Koap Blankenesse
Uit Wikipedia
Koap Blankenesse (Frans: Cap Blanc-Nez) es e steile koape langs de Fransche Opoalkust. 't Meest upvollende es de typische witte kleur van de rotsn en de ground.
Inoud |
[bewerkn] Liggienge
Koap Blankenesse es 134 m oge, dus e heel stik ogger dan Koap Zwartenesse da moa 6 km vodder ligt.
De koap makt deel uut van 't gemeentje Skoale (Frans: Escalles).
[bewerkn] Geologie
De witte rotsn bestoan uut kryt (kolk) en mergel, dat es e witte klytsoorte. An den ounderkant van de koape ligt er e gefossileerd strand da dateert van 't begun van et Kwartair, dus zo'n 2 miljoen joar leen. A je chance eit, kun je of en toe fossieln lik ammonietn vindn.
[bewerkn] Nateure
Deur dat er veel kolk zit in de ground eit er em round de koape flora ountwikkeld die uutzounderlik es vo e land lik Vrankryk. Deur de moeilik toegankelikke rotsn es ook de fauna ier styf divers. Ge vindt er byvoorbeeld zilvermeeuwn, kauwn, de nôordse stormveugel, sternn en specioale soortn zwoaluwn.
[bewerkn] Monument
Up de koape stoat er e monument in de vorm van nen obelisk. J'es gewyd an de Fransche en Iengelsche soldoatn die binst den Twiddn Weireldoorloge under leevn geloatn ein by de verdedigienge van de strategisch belangrikke zeenauwte Nauw van Kales.
[bewerkn] Noame
De Fransche noame Cap blanc-nez komt van 't Oudnederlandsche blanka (blank, wit) en nesta, wuk da wil zeggn "land da uutstikt up de zee".
 |
Mêer ofbeeldiengn die ier by passn ku je vien in de categorie Cap Blanc-Nez van Wikimedia Commons. |
