Franky Van der Elst
Uit Wikipedia
Franky Van der Elst (30 april 1961, Opwijk) es nen ex-voetboller en nen (ulp)-trainer. Aloewel dat ie in verschillende ploegn eit gespeeld, es 't ie vôorol gekend voo zyn joarn by Club Brugge, woar dat ie van 1984 tot 1999 gespeeld eit, en van 2005 toet januoari 2007 ulptrainer wos. Sedert 24 januoari 2008 is 'n trainer van FC Brussels.
[bewerkn] Spelercarrière
Zyn positie wos verdedigende middnvelder en in die oedoanigheid wos ie een rots in de brandinge voo de verdediginge. Moar voo golln moest je nie by em zyn. J'eit 464 matchn in êeste klasse gespeeld, een absoluut rekord. In de beker eit ie ôok een recordaantol matchen gespeeld, noamelik 65. In ol die joarn eit ie twêe kêers de Goudne Schoe gewonnen (1990 en 1996).
Soamen me Raoul Lambert en Jan Ceulemans vormt ie een monument van het moderne Club Brugge. Zyne bynoame wos The Fox. Noast Club Brugge eit ie ôok een belangryke rolle gespeeld in de nationoale ploeg, woarvôorn dat ie 78 matchn gespeeld eit.
[bewerkn] Trainercarrière
In 1999 wos zyn actieve voetbolcarrière gedoan en es 't ie trainer gekoomn: vier joar by Germinal Beerschot, en een korte periode by Lokeren. In 2005 es 't ie ulptrainer gekoomn ounder Jan Ceulemans, moa lange eit da nie gedeurd. Doarnoa wos 't ie ulptrainer ounder Emilio Ferrera, moar deur de anoudnde probleemn by Club Brugge es 't ie ip 28 januoari 2007, soamn me de trainer ountsleegn.
