FC De Kampioenen
Uit Wikipedia
FC De Kampioenen is e Vlamsche, komische tv serie. Et gaat over e caféploeg die mo zeldn wint. Er werdn al 220 afleveringn (17 reeksn) gemaakt en daardeure is êt de langslopende serie die den VRT ooit êt gemakt. 't Es de populairste serie van de latste joarn, en zelfs de eindelôze eroaliengn oaln nog oltyd vee kykers.
[bewerkn] Personoages
- Balthazar Boma (gespeeld deur Marijn Devalck): ne moakt worstn die nie te eetn zyn en nis vrouwenzot. Ne êt en oogje up Pascale mo das nie wederzijds.
- Pascale De Backer (gespeeld deur Danni Heylen): z'is cafébazinne en geschit va Oscar me wien da ze en dochter et: Bieke. De latste tyd et zen en oogje laatn valln up Maurice. In seizoen 17 weun ze tope.
- Maurice de Paraetere (gespeeld deur Tuur De Weert): n'is van adel mo toch blufn simpel. Sinds 2005 etn e relatie me Pascale. In reeks 17 isn by Pascale gan weun mo ne kon ze moeder nie allene laatn dus etn ze meegepakt.
- Bieke Crucke (gespeeld deur An Swartenbroekx): z'is de dochter van Pascale en in reeks 15 is ze getrouwd me Marc. In't begun van de serie was ze en rebelse puber mo ze kalmeerde toen ze Marc leerde kenn. Ze wild nu e kindje mo der zyn probleemn.
- Marc Vertongen (gespeeld deur Herman Verbruggen): n'is de klungelige vint va Bieke. Ne studeerde vo dokter mo nadat enkele keern gebusd was isn dermee gestopt. Ne presenteurt nu by Radio Hallo en is spits va FC De Kampioenen. 't Is e grappige joungn met en onnozel brilleke die erg gehecht is an zyn Bolleke, zyn oto.
- Pol De Tremmerie (gespeeld deur Ben Rottiers): vroeger wast y spits van de ploeg mo na e knieblessure isn trainer gewordn. n'Is de vriend va Doortje en leraar biologie. Net en utzounderlijke lange neus en nis net als zyn nounkel Dimitirie e bitje gierig.
- Doortje Van Hoeck (gespeeld deur Ann Tuts): zy is de vriendinne va Pol en komt nogal trutterig over met eur oederwets brilleke. z'Is secretaresse va Boma. Z'Is geschit va Pico en zan tope e kind: Billie.
- Xavier Waterslaeghers (gespeeld deur Johny Voners): n'is sergant in't leger en getrouwd me Carmen. n'Is keeper van de ploeg. Mo omdatn nogal veel pintjes drinkt bakn der nie vele van. Carmen klaagt ook assan datn zo slecht is in bed.
- Carmen Waterslaeghers (gespeeld deur Loes Vandenheuvel): zy is de vrouwe va Xavier en maakt van e mug en olifant. Eur hobby is roddeln en met die kusjob by Boma komt ze af en toe e ki e twa te weetn. Ze êt al e ki en gazettewinkel en en frituut gat mo zet nie lange volgehoudn want werkn is nie eer sterkste kant. z'is ook erg gehecht an Nero, eur hondje.
