Channel Zero
Uit Wikipedia
Channel Zero is êen van de grotste en bekendste Belgische metalgroepn ôois.
Inoud |
[bewerkn] Noame
De noame Channel Zero komt uut e numer van Public Enemy, She watch Channel Zero.
[bewerkn] Geschiedenisse
Channel Zero is upericht in 't Brusselsche in 't joar 1991 deur oundermêer Franky DSVD (nu by Skitsoy). E joar loater brochtn ze Channel Zero uut, woamei dan ze ol rechtet e masse fans krêegn in België, mor oek in Olland en Duutsland.
In 1993 kwam Stigmatized uut, da e mixt wos deur Vinnie Paul (toene drummer va Pantera). 't Wos 't begun van mêer bekendeid, ze mustn zest toern me groepn lik Obituary, M.O.D. en Napalm Death.
Nunder noastn CD Unsafe uut 1995 wos 't êeste dat oek uutkwam in de Verênigde Stoatn en 't wos nunder grôte deurbroake. Z'en in da joar etourd me Megadeth en in Australië deen z' en headlinetour. Van Unsafe zyn der 60 000 ploatn verkocht.
In 1996 brochtn ze Black Fuel uut. 't Zat vele mêer varioasche in, mor egliek zyn der nie mêer van verkocht. Achter e goein tour me Body Count in 1997, lietn ze weetn dan ze gienkn uut makoar goan. Z'en zevve nôois echt ezeid werom, mo 't feit dan ze nie mir echt groeidn en dat de rounde dei da nundern manager geld etjoept at, zoe mei espeeld en.
In 't zeste joar brochtn ze nog e live CD uut, d'upnoame va nunder uptreedn up Martrock Leuvn. Nunder bekendste numers zyn Help en Black Fuel.
[bewerkn] Leedn
- Franky "DSVD" De Smet Van Damme (zang)
- Xavier Carion (gitaar)
- Tino De Martino (bas)
- Phil Baheux (drum)
[bewerkn] Ploatn
- Channel Zero (1992)
- Stigmatized (1993)
- Unsafe (1995)
- Black Fuel (1996)
- Channel Zero Live (1997)
