Casino (Blanknberge)
Uit Wikipedia
De Casino ip de zêedyk is ’t cultureel centrum van Blanknberge. ‘t Casinogebouw dateert van 1934 en is in 1994-1995 hêlegans gerenoveerd.
De stad Blanknberge et drie baby's van David Černý (Beaufort 2006) angekocht die nu ip de Casino kruupn, één ip ’t terras, den twiddn ip ’t dek, en den derdn kruupt ip de torre noa boovn.
Achter ’t gebouw zyn d’r danscafés en een discotheke.
’t Cultuurcentrum van Blanknberge bestoat uut drie gebouwn: CC-Casino, CC-De Benne en CC-Oud-Staduus.
CC-Casino et vuuf polyvalente zoaln:
- Saveryszoale: fêest-en theoaterzoale
- Consciencezoale: polyvalente zoale die gebruukt wordt vo klindere iptreedns, tentôonstellingn, films…
- Roesschaert: polyvalente zoale vo vergoaringn en vôordrachtn
- Zêebries: cursusplekke en danslokoal
- Golfbreker: grôte plekke die surtout gebruukt wordt deur lokoale tonêelverênigingn
Ip ‘t gelykvloers van de Casino ist er een kunstgalerye vo tentôonstellingn. ‘t CC-Casino is ‘t ênigste erkend cultureel centrum van België met een vergunde speelzoale me populaire toafelspeeln lik Roulette, Blackjack, Casino Stud Poker en speelautomoatn. D’r is ook een bar en een restaurang.
