Blink 182
Uit Wikipedia
Blink-182 (oorsprounkelik Blink genoamd) es ne punk-rock band uut San Diego, upgericht deur Mark Hoppus en Tom Delonge in 1991.
[bewerkn] Biografie
Den oorsprounkelikkn drummer von Blink 182 noemde Scott Raynor. In et joar van hun album da 't mééste succes a gekreegn, vloog Raynor in den tour uut den band, em moest kiezn tussn stoppn me Blink, of stoppn me drienkn. E bitje loater est em in e afkickcentrum beland. Mo in da befoamde joar 1999 zoatn ze in de probleemn, want ze ann gin drummer mêe. Travis Barker, ne goeie moat van under, e toune in 1-2-3 alle liedjes lêern speeln en es me under ip tour gegoan van hun album Enema of the State. Barker, die vroegere in The Aquabats speelde, a zyn band upgegeevn en es me Blink ip tour gegoan. Achter dat album speelde Blink ginne punkrock mêer, mo eigntlik idder pop-punk.
In 2005 wos Tom Delonge et e bitje beu, achter d'uutgoave van under loatst gemoakte album. Ie vound da undere band Blink, nie genoeg was vo zyn smoake. Uutiendelik i tie achter een concert zyne gsm-nummere veranderd en kostn zyn beste moatn gin contact mêer me em ipneemn. Tom e toun zelf nen band ipgericht Angels And Airwaves oftewel AvA afgekort. Noa de splitsinge in ôok Mark Hoppus en Travis Barker uldern eign band +44 ipgericht, genoamd no de mobielnumero daj moe droain vo 't Verênigd Keunienkryk: +44. Intusschn i Angels And Airwaves al 2 albums uutgebrocht, en Plus Forty Four êenn.
[bewerkn] Bandleedn
- Tom Delonge (gitoare)
- Mark Hoppus (bas)
- Travis Barker (drums)
[bewerkn] Discografie
- Flyswatter (demo, 1992)
- Buddha (demo, 1993)
- Cheshire Cat (album, 1994)
- Dude Ranch (album, 1997)
- Enema of the State (album, 1999)
- The Mark Tom and Travis Show (The Enema Strikes Back) (live-album, 2000)
- Take off your Pants and Jacket (album, 2001)
- Blink-182 (gin titel, album, 2003)
- Greatest Hits (verzoamelalbum, 2005)
