Blanknbergsche rekeninge
Uit Wikipedia
Een Blanknbergsche rekeninge is een uutdrukkinge die gebruukt wordt vor een rekeninge die zo ingewikkeld is da je d’r kop noch steirt an krygt.
De uutdrukkinge komt uut ’t visschersmilieu, ten tyde da Blanknberge nog een echte visschersoavn was.
Vo dat de visschers an wal gingn kreegn ze êerst een “zootje” vis. Da was under êerste dêel in de winste. Doarachter os de vis “gemynd” was krêegn ze ook nog een bitje klêne vis van mindere weirde. Doavan goavn ze een dêel an de oarme menschn die ielpn by ’t anleggn en ’t van wal steekn van de visschersschuutn. Wat dat er uutendelik overblêef wierd verkocht ip stroate en loater in de vismyne.
[bewerkn] Voorbeeld van een Blanknbergsche rekeninge
Veertiendoagsche rekeninge: Ipbringste: 180,35 fr
Doavan wierd ofgetrokkn:
-
- ’t Myngeld: 2,27 fr
- ’t Schryversgeld: 9 fr
- ’t “Loaversgeld” (11,04 fr) en 1/5 vo de reder (2,76): 13,80 fr
- De “gemeene” (êerste reservefonds) 20%, allêne moar in de zomermoandn ofgetrokkn
- Touwn: 5 fr
- ’t “Ofslaggeld”: 2 fr
- Nettn: 15 fr
Tegoare: 52, 07 fr.
Te verdêeln somme: 128,28 fr
De bemanninge was overêengekommn van onder mekoar 62,28 fr te verdêeln vo particuliere onkostn woavan da de reder 1/5 krêeg. De netto ipbringste was dus 66 fr te verdêeln onder de patrong, de reder (eigenoare van de bôot) en de drie bemanningsleedn.
De visschers, die nie styf geleerd woarn verstondn doa vaneigens nie vele van. Vandoar de uutdrukkinge een “Blanknbergsche rekeninge”.
[bewerkn] Uutbetoalinge
De visschers wierdn verzekers dikwils e kêer te winnig betoald. De uutbetoalingn gebeurdn over ’t algemêen in de cafees die ook eigendom woarn van de reder. In de kortste kêern recupereerdn de reders dus ’t uutbetoalde geld.
