Asterix
Uit Wikipedia
Asterix is e Fransche stripreekse van Albert Uderzo en René Goscinny. Achter da Goscinny dôodgienk in 1977, et Uderzo ollêne vors edoan. 't Bestoan oundertusschn 33 officiële titels en nog êentige specioale uutgoavn.
't Goat verre ossan over d'inweuners van e klêen dorptje in Gallië (oude benoamienge van Vrankryk in 'n tyde van de Keltn en de Romeinn) die bluuft vichtn teegn de Romeinn, oundermêer teegn Caesar. Ze kunn mêestol winn deur dan ze e toverdranksje drienkn die ebrouwd is deur nunder druïde Panoramix en woadeure dan ze ounoverwinnelik kommn.
Aar zoakn die vele werekommn, zyn clichés over landn en nunder inweuners en wôordkluchtjes.
Inoud |
[bewerkn] Personoages
- Asterix: e klêne, mor indeliks stoutn keirel. En et blound oar en lik olle Galliërs et 'n oek e moustas. Up zyn oofd et 'n e elme me kroaievlerkn up (etwot die in 't echt nie bestoeg). 't Is 't oofdpersonoage en de mêeste veroaln droain dus round nem. Ze noame komt van en asterisk, de benoamienge voun e sterretje woamei dat er verweezn is nor voetnootn (*).
- Obelix: 'n dikstn en bestn moat van Asterix. En is menhirouwer en dedie droagt 'n zevve round up ze rik (e kut dadde omdat 'n, at 'n klêne wos, in e pot met toverdrank evolln is en 't gerakt nie mir uutewrocht). Ze bekendste uutsproake is Rare jongens, die ..., woarachter dat 'n toune e vook zegt, lik Romeinn. E doe nie liever of vichtn me de Romeinn en joagn up everzweens (en ze vaneigns oek upeetn).
- Idefix: 't oundje van Obelix, die oek zot is van everzweens en Romeinn. E ku wel nie teegn boomn die omme ekapt zyn.
- Panoramix: de druïde die zort vou 'n toverdrank woadeure dan de Galliërs ounoverwinnelik kommn.
- Heroix (in 'n tyde Abraracourcix): stamoofd en oek ossan grêed voun te vichtn. En is etrouwd me Bellefleur en thuus et 'n nie ol te vele te piepn.
- Kokofonix (in 'n tyde Assurancetorix): bard die nie ku ziengn en die deur Hoefnix ('n smed) geregeld ekir in de ground esleegn is.
- Kostunrix: visverkoper die gin goeie zoakns doet omdan olle menschn van 't dorptje vele liever everzwynevlêes eetn. E komt geregeld in stokke met 'n smed Hoefnix.
- Hoefnix: 'n smed, e keirel me vele macht die ossan met en oamer roundlopt. E affrounteert oek 'n oudstn van 't dorp geirn.
- Nestorix: 'n oudstn van 't dorp, en et nog evochtn in Alesia. En is etrouwd met e wuuf die vele jounger is of nem.
- Caesar: Romeinschn keizer die der nie goed teegn kut dan 't Romeinsche leger e klêen dorptje nie kut overmêestern.
[bewerkn] Boekn
't Bestoan 33 officiële albums.
[bewerkn] Têeknfilms
't Zyn ol 8 têeknfilms emakt.
- Asterix de Galliër (1967)
- Asterix en Cleopatra (1968)
- Asterix verovert Rome (1976)
- Asterix contra Caesar (1985)
- Asterix bij de Britten (1986)
- Asterix en de knallende ketel (1989)
- Asterix in Amerika (1994)
- Asterix en de Vikingen (2006)
[bewerkn] Films
't Bestoan oundertusschn 3 langspeelfilms.
- Asterix & Obelix teegn Caesar (1999)
- Asterix & Obelix: missie Cleopatra (2002)
- Asterix en de Olympische Spelen (2008)