Amstel Gold Race
Uit Wikipedia
De Amstel Gold Race es een Nederlandsche vélokoerse van de ôogste categorie. 't Es chronologisch de vierde klassieker van et joar, tussn Parys-Roubaix en Luuk-Bastenoakn-Luuk. De êeste Amstel es gereedn gewist in 1966, en oundertussn zittn ze ol an 41 edities.
[bewerkn] Karakter
De Amstel weirdt gereedn in Nederlands Limburg, de ênigste streeke in Nederland die een bitje euvelachtig es. Ie vertrekt in Maastricht en endigt in Valkenburg. Der moetn onnoemelik veel euvelkes beklommn weirden, soms mêerdere kêers. De bekendste zyn de Cauberg, Keutenberg en de Eyserbosweg.
De Amstel krygt dikwyls kritiek. Van de coureurs omdat er zoveel rounde puntn, wegversmalliengn, en vluchteuvels zyn. Moar ôok van de supporters, omda ze vindn dat de koerse zyn statuut nie verdient en ounder invloed van vôormoalig UCI-boas Hein Verbruggen gepusht gewist es.
Jan Raas es recorouder me 5 overwinniengn.
