Aagje Vanwalleghem
Uit Wikipedia
Aagje Vanwalleghem (Brazilië, 24 oktober 1987) (vroeger: Ana Maria Pereira Da Silva) es een Belgische turnster. Z'es de beste Belgische vrouwelikke turnster in lange joarn.
Aagje Vanwalleghem es geadopteerd gewist deur minsn uut Wevelgem. In 2000, ip dertienjoarige leeftyd wint ze eurn êestn Belgischen titel (by de beloftn). in 2002 doe ze da over, moar nu by de senioorn. In 2003 mak ze eur nen entree ip de internationoale scène deurda ze eur platst voo het weireldkampioenschap in Anaheim. In 2004 zorgt ze voo een unicum: z'es de êeste Belgische die de finoale ip het Olympisch turntoernôoi oalt, woarda ze een 23ste plekke be'oald. Voo die prestoatie eit ze begun 2005 de prys va 'Sportbelofte van 't joar' gekreegn. In 2005 eit ze brons gewounn ip het Europees kampioenschap (EK) ip de brugge, eur favoriet ounderdêel. Maar 2005 wos ôok het joar van de twyfel, 't plezier van het trainn wos't er een bitje vanof en z'oat ollerlie klêne blessuurn. De leidde tot een ofzeggienge voo het weireldkampioenschap van da joar en het EK va 2006.
