Wikipedia:Wikipedia mass-mediada/Tatnet: Tatarça Wikipediadä 3,767 mäqälä cíılğan
Wikipedia'dan
Tatarça Wikipedia kebek açıq ensiklopediä proyektı, «Computerra» jurnalı xäbär itkänçä, iñ tiz üsep baruçı proyektlar isemlegenä kergän. «Wikipedia» här internet qullanuçı tarafınnan tulılandırıluçı tüläwsez entsiklopediä dönya xalıqlarınıñ tellärendä eşläp kilä. Alar arasında tatarça bülek tä bar. Säxifäneñ tarix bülegendä yazılğança, berençe wikipedia proyektı ingliz telendä 2001nçe yılda barlıqqa kilgän, şul uq yılnı, ul fransuz telendä dä eşläp kitkän. Şul mizgeldän, wikipedia, küp telle proektqa äylänä. Xäzer anda Yevropa, Aziä illäre, Amerika, Rusiä, BDB illärendäge xalıqlarnıñ tellärendä genä tügel, frysk, galego, eesti, sanskrit, tamil, tay, urdu kebek siräk oçrıy torğan tellärdä dä bar. Biredä tel, xalıq, tarix häm teläsä nindi başqa temağa qarağan mäkälär cıyıla. Kägäzdäge, berniçä tomlı ensiklopediä sıman. Xäzer tatarça wikipediägä 3 meñ, 700 dän artıq mäqäkälä tuplanğan. Bu proetknı ber yulı bik küp keşe alıp bara, kem irenmiçä, qızqlı mäkälä tabıp, anı säxifägä quya ikän, ul da üzen wikipediäne tözüçe itep sanıy ala. Xäzer küpme keşe, küpme mäqälä kertkän äytep bulmıy. Ämma tatarça Wikipidea tiz üsep bara, xäzer ul 100 meqälägä qädär mäkälä tuplağan törkemne uzıp, ikençe basqıçqa kütärelgän. 1000nän artıq mäkälä tuplawçılar arısına kergän. Çağıştırıp qaraw öçen berniçä san kiteräm. Kägäzdäge tatar ensiklopedik süzlektä, 17 meñ mäqälä cıyılğan, 5 tomlıq tatar entiklopediäsendä 20 meñ mäqälä cıyılaçaq. Ä wirtual enciklopedia 2 yıl eçendä 4 meñ mäqälä cıyğan. Başqort telendäge wikipedia, äle berençe adımnar yasıy. Anda älegä qädär, barı 18 mäqälä barlığı kürenä, Çuaş telendä 81 yazma, Qazaqça - 38. Ä berençe urında, wikipediädäge mäqälälär sanı belän, ingliz telendäge säxifä tora, anda 787 meñ yazma terkälgän ikän. Annan soñ 300 meñ belän alman telendäge bülek bara, häm 179 meñ mäqälä fransuz telendä terkälgän. Tatar telendäge wikipediane - tt.wikipedia.org adresında tabıp bula, başqort telendägese - ba.wikipedia.org digän säxifädä bulır.
Bikä Timerova.
