Batí xan

Wikipedia'dan

Batí xan (Batu xan, Sain xan) (1207 tiräse – 1256), Monğol İmperiseneñ ğäskär başlığı, cihangir, Altın Urdanı nigezläwçe xan. Çıñğız xannıñ onığı, Cüçineñ ulı.

Atası wafatınnan soñ olıs idaräçese (1227). Monğol İmperise qorıltayı quşuınça İdel Buyı Bolğarına, Rus' kenäzleklärenä häm Könbatış Awrupa illärenä yawlar oyıştıra (q. İdel buyı Bolğar däwlätenä Monğol yawları). 1236. yılda İdel buyı Bolğarın, 1237-1240. yıllarda Rus' kenäzleklären üzenä buysındıra, 1240-1242 yıllarda Polşa, Macarstan, Çexiä häm Bolğarstannı basıp ala. 1242-1256. yıllarda Cüçi olısınıñ Cäyek yılğasınnan alıp Könbatış çigenä qädärge bilämäläreneñ baş idaräçese. İdelneñ tübän ağınında Altın Urdanıñ yaña başqalasñ Saray äl-Mäxrusä tözelgänçe Bolğar şähärendä torıp idarä itä. Üz bilämälärendä hönärçelekkä, kürşe il-mämläkätlär belän säwdä itügä, Tübän İdel buyında şähärlär tözeleşenä zur iğtibar birä. Saray äl-Mäxrusä şähäre tözeleşenä Bolğardan, Urta Asíadan, Qawqazdan ostalar kiterä.