Fran pes

Wikipedia emi olsem traipela buk igat planti toksave insait long planti samting - long Tok Inglis, nem bilong dispela kain buk emi encyclopedia. Tasol dispela savebuk emi stap long intanet yet, na tu emi fri - yu inap senisim yu yet, raitim ol nupela pes, na tu yu inap kisim ol samting yu ritim long hia na yusim long narapela hap gen.

Wikipedia long Tok Pisin igat 829 pes nau.

Haus bilong toktok
Wesan bokis - hap we yu inap traim pasin long raitim pes

Pes long dispela wik

Maket long Goroka long Isten Hailans

Huli man long Sauten Hailans

Man i lukim bikpela kramsel long solwara

Nius

Ol nupela minista long PNG gavman

Bihain long 2007 ileksen, nupela gavman long Papua Niugini i kamap, na long Trinde 29 Ogas, Praim Minista Sir Michael Somare i toksave long ol nupela minista long gavman. Nambatu minista emi memba bilong Abau Open Puka Temu, minista bilong Fainans (Tok Inglis: Finance) emi memba bilong Aitape-Lumi Open Patrick Pruaitch, na nambatu long bifo Don Polye, memba bilong Kandep Open, emi minista bilong Woks, Trenspot, na ol balus (Tok Inglis: Civil Aviation). Igat 28 minista olgeta. (National, 30 Ogas 2007)

Ol i planim manmeri wantaim sik AIDS na oli laip yet, meri i tok

Stori ikam long Sauten Hailans we wanpela meri i tokaut olsem emi lukim tripela manmeri long peles wantaim sik AIDS ol lain bilong ol i planim na ol i laip yet. Na nau ol polis na ol lain bilong Helt Dipatmen igo long peles long painimaut olsem igat as long dispela stori o nogat. Na planti ol grup long ol narapela kantri itok oli laik halivim Papua Niugini wantaim dispela bigpela birua long sik AIDS i wok long kamap. (ABC, Post-Courier, National, 29 Ogas 2007)

PNG i kisim planti ol medel long Saut Pasifik Pilai resis

Papua Niugini i kisim etpela gol medel, na tripela silva medel, long nambawan de bilong Saut Pasifik Pilai resis (Tok Inglis: South Pacific Games) long Apia long kantri Samoa. PNG i winim ol narapela kantri long resis bilong namba bilong ol medel. Meri bilong Hanuabada, Dika Toua, i kisim tripela gol medel long apim ol samting i hevi (Tok Inglis: weightlifting) na man Ryan Pini i kisim tupela gol medel long ol resis long wara (Tok Inglis: swimming). (National, Post-Courier, 29 Ogas 2007)

Ol traipela paia long kantri Gris

Antap long 64 manmeri i dai pinis long ol traipela paia long kantri Gris (Tok Inglis: Greece) i kukim planti bikbus na tu sampela peles. Ol narapela kantri long Yurop i wok long halivim Gris long pinisim ol paia, na dispela emi bikpela olsem i winim olgeta narapela taim we ol kantri i halivim wanpela kantri insait long Yurop. Planti toktok i kamap nau olsem ol paia i stat long han bilong man, na polis nau i wok painimaut long dispela. Na tu planti manmeri i no hamamas wantaim gavman na pasin bilong ol long wok long gensim ol paia. Gavman bilong Gris i wari nau, bilong wanem ol ileksen long kantri bai kamap bihain long tupela wik. (Al-Jazeera, 29 Ogas 2007)