Боқӣ Раҳимзода
Аз Википедиа
Боқӣ Раҳимзода 15 майи соли 1910 дар Сорбоғ, ки яке аз деҳаҳои зеботарини ноҳияи Ғарм ба ҳисоб меравад, таваллуд ёфтааст. Дар давраи кудаки бо амри такдир падари у вафот кард. Баъди марги падар Боки муддате дар хонаи амакхояш-- Миразизу Мирзорахим умр ба сар бурда, бо ёрии онхо у дар мактаби кухнаи дехаашон cавод гирифтааст. Боки, ки худ табиатан бачаи зираку донишчу буд, дар муддати нихоят кутох асосхои саводи мактаби кухнаро аз худ намуд. Вай аз хурдсоли ба шеъру шоири рагбати зиёд дошт, девони газалиёти Саъдию Хофизро пайваст меомухт. Баъди ташкил шудани мактабхои шурои, у аз чумлаи нахустин шогирдони болаёкати он мактаб буд. Боки Рахимзода аввал Техникуми педагогии шахри Самарканд (1931),баъдтар Дорулмуаллимини точикии шахри Тошканд(1938) ва нихоят Институти омузгории шахри Душанберо (1941) бо бахои аъло хатм намуд. Шавки шеър барвакт дар калби у чой гирифта буд, аввалин шеърхои у солхои 30-юм дар сахифаи рузнома ва мачаллахо чоп шуданд. Аввалин китоби шеърхои у соли 1945 бо номи «Ба фронт» Чоп шуд, ки дар онхо кахрамонихои халки бузурги шурави ва галабаи он васф шудааст. Боки Рахимзода шоири тавоно буд, ашъори у содаю фахмо ва самими аст. Дар шеърхои хачвиаш шахсони ваъдабозу оилабезор, булхавасу танбалро мазаммат мекард. Барои бачахо суруду таронахои зиёде менавишт. Хунар ва истеъдоди балаандии шоири Боки дар шеърхои «Чашмасор», «Бахори умр», «Киссаи кухсор», «Республикаи ман», «Мусича ва рубох», «Муаллим», «Халки бузургворам» ва гайрахо хеле хуб зохир шудааст. Боки Рахимзода дар баробари шоири хакики будан, инсони бузург ва тарбиятгари шоирони чавон буд. Аз соли 1948 то охири хаёташ мушовири Иттифоки нависандагони Точикистон дар ухда дошт. 30 январи соли 1980 Боки Рахимзода дар Душанбе вафот мекунад. Дар шеъри «Муаллим» иззату эхтироми халкро нисбат ба омузгор хеле самими баён намудааст.
