ద్విదళబీజాలు

వికీపీడియా నుండి

ఈ వ్యాసము మొలక. ఈ మొలకను వ్యాసంగా విస్తరించి, ఈ మూసను తొలగించండి.
మరిన్ని వివరాల కోసం చర్చా పేజిని లేదా తెవికీ మొలకలను చూడండి.

Magnoliopsida (ద్విదళబీజాలు)

Magnolia పుష్పం

శాస్త్రీయ వర్గీకరణ

సామ్రాజ్యము:	ప్లాంటే
విభాగము:	Magnoliophyta
తరగతి:	Magnoliopsida Brongniart

Orders

See text.

తల్లి వేరు వ్యవస్థ, జాలాకార ఈనెలవ్యాపనం, చతుర్భాగయుత లేదా పంచభాగయుత పుష్పాలు, విత్తనంలో రెండు బీజదళాలు ఉండటం ద్విదళబీజాల (Dicotyledons) ముఖ్యలక్షణాలు.

[మార్చు] వర్గీకరణ

పరిపత్రం (Perianth)లో ఉండే వలయాల సంఖ్య, ఆకర్షణపత్రాలు అసంయుక్తమా లేక సంయుక్తమా అనే అంశాలపై ఆధారపడి ద్విదళబీజాలను మూడు ఉపతరగగులుగా విభజించారు.

ఉపతరగతి 1: పాలిపెటాలె లో పరిపత్రం రెండు వలయాలలో ఉండి, ఆకర్షణపత్రాలు అసంయుక్తంగా ఉంటాయి. పుష్పాసనం (Thalamus) ఆకారం ఆధారంగా దీనిని మూడు శ్రేణులుగా విభజించారు.
- శ్రేణి-థలామిఫ్లోరె (Thalamiflorae): దీనిలో పుష్పాసనం పొడవుగాగాని, శంకు ఆకారంలోగాని లేదా కుంభాకారంలోగాని ఉంటుంది. ఉదా: మాల్వేసి.
- శ్రేణి-డిస్కిఫ్లోరె (Disciflorae): దీనిలో పుష్పాసనం పళ్ళెం లేదా చక్రం వంటి ఆకారంలో ఉంటుంది.
- శ్రేణి-కెలిసిఫ్లోరె (Calyciflorae): దీనిలో పుష్పాసనం గిన్నె వంటి ఆకారంలో ఉంటుంది. ఉదా: ఫాబేసి.

ఉపతరగతి 2: గామోపెటాలె లో పరిపత్రం రెండు వలయాలలో ఉండి, ఆకర్షణపత్రాలు సంయుక్తంగా ఉంటాయి. కేసరాలు ముకుటదళోపరిస్థితంగా ఉంటాయి. అండాశయం లక్షణాలు, పుష్పవలయాల్లో ఉండే భాగాల సంఖ్య ఆధారంగా దీనిని మూడు శ్రేణులుగా విభజించారు.
- శ్రేణి-ఇన్ ఫెరె (Inferae): దీనిలో అండాశయం నిమ్నంగా ఉంటుంది. ఉదా: ఆస్టరేసి.
- శ్రేణి-హెటిరోమీరె (Heteromerae): దీనిలో అండాశయం ఊర్థ్వంగా ఉండి, రెండు కంటే ఎక్కువ ఫలదళాలుంటాయి.
- శ్రేణి-బైకార్పెల్లేటె (Bicarpellatae): దీనిలో అండాశయం ఊర్థ్వంగా ఉండి, రెండు ఫలదళాలుంటాయి. ఉదా: సొలనేసి