కలవలపల్లె

వికీపీడియా నుండి

కలవలపల్లె, పశ్చిమ గోదావరి జిల్లా, చాగల్లు మండలానికి చెందిన గ్రామము ఈ గ్రామం ప్రధానంగా వ్యవసాయం మీద ఆధారపడి ఉన్నది. ఈ ఊరికి వెళ్ళాలంటే నిడదవోలు నుంచి బ్రాహ్మణగూడెం మీదుగా 8 కి.మీ. దూరం రోడ్డు మార్గాన ప్రయాణించాలి. లేదా చాగల్లు నుంచి ఊనగట్ల మీదుగా 7 కి.మీ. పోవాలి. ఇక్కడ నేల సుమారు 70% గరప నేల (ఎర్ర నేల). అందుచేత ఇక్కడ ఎక్కువగా జీడిమామిడి, కొబ్బరి, మామిడి మరియు పామాయిల్ పండిస్తారు.మిగిలిన 30% నల్లరేగడి నేల.కాబట్టి అంతమేర వరి , చెరకు వగైరా పండిస్తారు . వ్యవసాయం మొత్తంలో 80% బోర్ల మీదే అధారపడి ఉన్నది.

విషయ సూచిక 1 రవాణా సౌకర్యాలు 2 నీటి సౌకర్యాలు 3 ప్రజా సౌకర్యాలు 4 దేవాలయాలు 5 రాబోయే సౌకర్యాలు

[మార్చు] రవాణా సౌకర్యాలు

బస్ షెల్టర్ ఉన్నది. ఈగ్రామం ప్రధాన రహదారికి దూరంగా ఉండటం వల్ల రవాణా సౌకర్యం పెద్దగా మెరుగు పడలేదు . దగ్గర పట్టణం నిడదవోలు నుంచి మాత్రమే 2,3 నామ మాత్రం బస్ సర్వీస్ లు నడుస్తున్నాయి . వీరికి దగ్గర రైల్వే స్టేషన్ బ్రాహ్మణగూడెం రైల్వే స్టేషన్.ప్రయాణం ఎక్కువగా వ్యక్తి గత వాహనాలూ, ప్రైవేట్ ఆటోల ద్వారాసాగుతుంది.

[మార్చు] నీటి సౌకర్యాలు

త్రాగే నీరు కోసం 3 రక్షిత మంచినీటి టాంకులు ఉన్నాయి. ఈ ఊరి లో 4 చెరువులు వున్నాయి. 1.వూర చెరువు (ఇది ఊరు అందరకూ ఊపయోగపడే చెరువు) 2.మాల చెరువు( వర్ణ వివక్ష కొనసాగే రోజులలో దళితుల కోసం ఉండేది . ఇపుడు అందరూ అన్ని చెరువులూ ఉపయోగించుకుంటున్నారు) 3.చాకలి చెరువు( బట్టలు ఉతికేందుకు వాడుతున్న చెరువు) 4.నాపచెరువు( ఇది వ్యవసాయం కోసమే ఉపయోగపడుతున్నది. బ్రాహ్మణగూడెం కూ కలవలపల్లికి మధ్యలో ఉంటుంది)

[మార్చు] ప్రజా సౌకర్యాలు

గ్రామీణ గ్రంధాలయం , పశువైద్య శాల , 2 కమ్యూనిటీ హాళ్ళు ఉన్నాయి.

[మార్చు] దేవాలయాలు

శివాలయం మరియు రామాలయం ఉన్నాయి.

[మార్చు] రాబోయే సౌకర్యాలు

1.తాడిపూడి ప్రధాన కలువ నుంచి విడివడే చిన్నకాలువ ఈగ్రామం గుండా పోతుంది . ఇది పూర్తయితే కొంత మేర భూమికి నీటిసౌకర్యం కలుగుతుంది. 2. శ్మశాన వాటిక నిమిత్తం పంచాయతీ సొమ్ము కేటాయించటం జరిగింది . కొన్ని అనుమతుల కోసం నిరీక్షిస్తున్నారు.

చూ • చ • మా చాగల్లు మండలంలోని గ్రామాలు
బ్రాహ్మణగూడెం · చాగల్లు · చిక్కాల · దారవరం · కలవలపల్లె · మల్లవరం (చాగల్లు మండలం) · మార్కొండపాడు · నందిగంపాడు · నేలటూరు · సింగనముప్పవరం · ఉనగట్ల