கட்டற்ற கலைக்களஞ்சியமான விக்கிபீடியாவில் இருந்து.
சண்முகப்பிரியா 56வது மேளகர்த்தா இராகமாகும். பக்திச் சுவையை வெளிப்படுத்தும் இராகம். எப்பொழுதும் பாடலாம். விரிவான ஆலாபனைக்கு இடம் தரும் இராகம்.
[தொகு] இதர அம்சங்கள்
- "திசி" என்றழைக்கப் படும் 10வது சக்கரத்தில் 2வது மேளம். 20வது மேளமாகிய நடபைரவியின் நேர் பிரதி மத்திம மேளம் ஆகும்.
- இந்த இராகத்தில் ஷட்ஜம், சதுஸ்ருதி ரிஷபம் (ரி2), சாதாரண காந்தாரம் (க2), பிரதி மத்திமம் (ம2), பஞ்சமம், சுத்த தைவதம் (த1), கைசிகி நிஷாதம் (நி2) ஆகிய சுரங்கள் வருகின்றன.
- முக்கிய பிரதி மத்திம இராகங்களில் இதுவும் ஒன்று.
- பிரத்தியாகத கமகம் இந்த இராகத்தின் சாயலை நன்கு வெளிப்படுத்தும்.
- மூர்ச்சனாகாரக மேளம். இதன் க, ப, த கிரக பேதத்தின் வழியாக முறையே சூலினி (35), தேனுகா (09), சித்ராம்பரி (66) ஆகிய மேளங்களைத் தோற்றுவிக்கும்.
- இந்த இராகத்தின் தோற்றமான (ஜன்யமான) சாமரமே அசம்பூர்ண மேள பத்ததியில் 56 வது இராகமாக விளங்குகிறது.
[தொகு] உருப்படிகள்
- கிருதி : வந்தனே வாரு : ஆதி : தியாகராஜ சுவாமிகள்.
- கிருதி : சித்தி விநாயகம் : ரூபகம் : முத்துசாமி தீட்சிதர்.
- கிருதி : அரகர சிவ : ஆதி : முத்துத் தாண்டவர்.
- கிருதி : சுகமே சுகம் : ஆதி : கோடீஸ்வர ஐயர்.
- கிருதி : பார்வதி நாயகனே : ஆதி : பாபநாசம் சிவன்.
[தொகு] ஷண்முகப்பிரியாவின் ஜன்ய இராகங்கள்
- பிரிமரசாரங்க
- நாகபிரபாவளி
- கமலநாராயணி
- திருமூர்த்தி
- வசீரி
- ஹம்சகீர்வாணி
- கோபிகாதிலகம்
- சுமநீசரஞ்சனி
- வசுகெற்ப
- பாவுகதாயினி
[தொகு] சண்முகப்பிரியா இராகத்தில் அமைந்த திரையிசைப் பாடல்கள்
- பழம் நீயப்பா ஞானப்பழம் நீயப்பா
- மறந்திருந்து பார்க்கும் :- தில்லானா மோகனாம்பாள்
- சொல்லாயோ வாய் திறந்து :- மோகமுள்
- கண்ணுக்குள் நூறு நிலவு :- வேதம் புதிது