கீரவாணி

கட்டற்ற கலைக்களஞ்சியமான விக்கிபீடியாவில் இருந்து.

கீரவாணி என்பது கருநாடக இசையில் 21வது மேளகர்த்தா இராகம். விரிவான ஆலாபனைக்கு இடம் கொடுப்பதுடன், பக்தி சுவையையும் வெளிப்படுத்தும். எப்போதும் பாடலாம்.

ஆரோகணம்:	ஸ ரி2 க2 ம1 ப த1 நி3 ஸ்
அவரோகணம்:	ஸ் நி3 த1 ப ம1 க2 ரி2 ஸ

பொருளடக்கம் 1 இதர அம்சங்கள் 2 உருப்படிகள் 3 கீரவாணியின் ஜன்ய இராகங்கள் 4 கீரவாணி இராகத்தில் அமைந்த திரையிசைப் பாடல்கள்

[தொகு] இதர அம்சங்கள்

• 21 வது மேளகர்த்தா. வேத என்றழைக்கப்படும் 4 வது சக்கரத்தில் 3 வது மேளம்.

• இந்த இராகத்தில் ஷட்ஜம், சதுஸ்ருதி ரிஷபம் (ரி₂), சாதாரண காந்தாரம் (க₂), சுத்த மத்திமம் (ம₁), பஞ்சமம், சுத்த தைவதம் (த₁) , காகலி நிஷாதம் (நி₃) ஆகிய சுரங்கள் வருகின்றன.

• இது ஒரு மூர்ச்சனாகாரக மேளம். கிரக பேதத்தின் வழியாக இந்த இராகத்தின் மத்திமம் ஹேமவதியையும் (58), பஞ்சமம் வகுளாபரணத்தையும் (14), கோசலத்தையும் (71) கொடுக்கும்.

• பிரதியாகத கமகம் இந்த இராகத்தின் சாயலை நன்கு வெளிப்படுத்தும்.

• மேல்நாட்டு இசையில் Harmonic Minor Scale என்பது கீரவாணி இராகமே.

• அசம்பூர்ண மேளபத்ததியில் "கிரணாவளி" என்றழைக்கப்படுகிறது.

[தொகு] உருப்படிகள்

• கிருதி : கலிகியுண்டேகதா : ஆதி : தியாகராஜ சுவாமிகள்.

• கிருதி : இன்னமும் சந்தேக :மிஸ்ர சாபு : கோபாலகிருஷ்ண பாரதியார்

• கிருதி : தேவி நீயே : ஆதி : பாபநாசம் சிவன்.

• கிருதி : வேலவா வினை தீர : மிஸ்ர ஜம்பை : கோடீஸ்வர ஐயர்.

• கிருதி : உனை நம்பினேன் ஐயா : ஆதி : முத்துத் தாண்டவர்.

[தொகு] கீரவாணியின் ஜன்ய இராகங்கள்

1. குலபூஷணி
2. சாமந்தசாளவி
3. கல்யாணவசந்தம்
4. நாகதீபரம்
5. ரிஷிப்பிரியா
6. உகவாணி
7. சந்திரிகா
8. சிவிகா
9. பானுப்பிரியா
10. ஸ்ரோத்தஸ்வினி
11. கதரம்

[தொகு] கீரவாணி இராகத்தில் அமைந்த திரையிசைப் பாடல்கள்

1. போவோமா ஊர்கோலம் :- சின்னத்தம்பி
2. என்னைத் தாலாட்ட வருவாளா :- காதலுக்கு மரியாதை
3. நெஞ்சுக்குள்ளே இன்னாரென்று :- பொன்னுமணி