User talk:Thor24
Frae Wikipedia
[edit] Gettin better at (writin) Scots
(I'm writing this in Scots as I assume that you can read Scots well enough. If there's anything that's unclear, just say.)
Hi Thor24,
A can recommend a puckle wabsteids for tae mak yer Scots better:
- Scots-Online — gies a grand innin tae Scots, haes a laid o texts for ye tae hae a read o, an a byordinar Scots-English-Scots dictionar forbye
- Dictionar o the Scots Leid — a muckle dictionar, gey uissfu, but caw cannie — rake throu "SND and SND Suppls" juist, or ye'll be leukin up gey auld words, no modren Scots
- A Tait Wanchancie — a puckle essays, some in Scots, some in English
Gin ye'r prepared tae pairt wi a wee bit siller, the Luath Scots Language Learner is gey helpfu an aw. Apairt frae thon, aw A can suggest is read, read, read. An unnerstaund that it's no gaunae be eith or that quick. A wis aye hearin Scots o ae form or anither for the first nineteen year o ma life, but A'm no faur past sco-2, an acause A didna read muckle Scots (A still dinna read as muckle as A shuid) A dinna aye ken hou tae write Scots richt masel. A'm aye learin — aw o us is. But the mair ye read, the mair Scots eediom an structur gets intae yer heid. A'm tryin tae wirk ma wey throu the texts on ScotsteXt the nou, an ye micht cuid hae a leukie at thaim an aw.
Cheers, — Mendor 00:03, 6 Februar 2006 (UTC)
- Stairtin at Wikipedia:Spellin an grammar is no bad aither.
