Pakistan
Frae Wikipedia
Pakistan (or, The Islamic Republic o Pakistan, frae the Urdu meanin "Laund o the puir") is a kintra in Sooth Asie that haes mairches wi Indie, the Cheenae, Afghanistan an Iran. Pakistan haes an estimatit 156,770,000 indwallers.
Table o contents |
[edit] History
Pakistan wis whiles pairt o the Breetish Empire but becam independant in 1947, alang wi Indae. Afore than it haedna existit as a unitit state, tho fowk haes bid there syne the sievent yearthoosand BC. Ane o the warld's auldest ceeties, Moenjo-Daro, wis in Pakistan.
In 1947, efer mony years o campaignin, Pakistan an Indie war unthirlt frae Breetain. Pakistan wis creatit as the kintra for the Muslims, an Indae for the Hindus. This o coorse left the problem o whaur the Christians, Jews, Buddhists etc. wis tae bide, an their places in the twa kintras haes been a problem tae the day. The kintra that's cried Bangladesh the nou wis whiles pairt o Pakistan (cried East Pakistan) til it becam independant in 1971.
[edit] Leids
The heidmaist leid o Pakistan is Urdu. Anerly aboot 10% o Pakistani's haes it as their mither tongue, but it haes become Pakistan's lingua franca an aw edicate Pakistanis haes it fluent. The ae ither naitional offeecial leid is English, but ilkane o the provinces haes offeecial leids forby thon, sic as Punjabi, Pushtu, Sindhi an sae on. Punjabi haes the maist native speakers, aboot 44% o the kintra's indwallers.
Mair nor aichty leids an byleids is spak in Pakistan. Some is spak bi gey few fowk, sic as Aer thatin 1998 haed anerly 100-200 speakers, while maist haes a wheen mair.
Maist Pakistanis haes at least twa leids, an ken o fower or mair isna byordinar.
[edit] Releegion
Syne Pakistan wis foodit as a state for the Muslim fowk o the Indie sub-continent, it isna supreesin that the feck o fowk in Pakistan (96%) is Muslims, (spleet atween awmaist 77% Sunni an 20% Shi'a). The lave is maistlins Christian, Jewish, Buddhism an a tait is Anamist, maistly o the Kalash fowk in the Nor' o the kintra.
[edit] Eddication
Anerly 26% o Pakistan's indwallers is leeterate. Eddication stairts at the eild o five, tho mony stairtna schuil ava. There is, forby state schuils, Islamic schuils cried madrassas in Pakistan that haes been creeticised for upbiggin fundamentalist Islamic support in the kintra, an as an affcome biggin up support for terrorism. Aboot 7.5% o childer in the Nor' Wast Frontier Province is jaloused tae be eddicatit in madrassas.
There's modren varsities in Pakistan, as weel as mony airmy colleges that offers trainin for offishers an siclike.
