Paisley
Frae Wikipedia
Paisley is a toun an umwhile burgh situate in the wast central lawlands o Scotland, aboot aicht mile wast-sooth-wast o Glesgae. It is the lairgest toun an admeenistrative centre o the Renfrewshire cooncil area. Straidlin the White Cart Watter that gangs the gither wi the Black Cart Watter an becomes the River Cart nor'warts the toun. The settlement occupees the lawland tae the north o the Gleniffer Braes.
Paisley wis ance thocht tae hae been the steid o the Roman fortification o Vanduara (or Vandogara) chronicelt by Ptolemy. The identifeecation o the steid o modren Paisley wi this fort is foremaist foondit on the sibness o the name o the station tae the Brythonic Gwen-dwr ('white watter') that was mynt tae hae been the name o the White Cart Watter at thon time.