Law
Frae Wikipedia
Law is a seestem o social rules for ordinar enforced throu a set o structurt institutions. Law affects ilkaday life an society in a variety o weys. Contract law regulates awthing frae buyin a bus ticket tae trokin swaptions on a derivatives mercat. Property law defines richts an obligations relatit tae buyin, sellin, or rentin real property sic as hames an biggins. Trust law applees tae assets hauden for investment, sich as pension funds. Tort law allous claims for compensation whan somebody or their property is hairmed. If the hairm is creeminalised in a penal code, creeminal law offers means that the state prosecutes an punishes the perpetrator by. Constitutional law provides a framewark for creatin laws, protectin fowk's human richts, an electin poleetical representatives, while admeenistrative law allous ordinar ceetizens tae chailenge the wey govrenments exercise pouer. Internaitional law regulates affairs atween sovereign nation-states in awthing frae troke tae the environment tae military action. "The rule o law", wrate the auncient Greek philosopher Aristotle in 350 BC, "is better nor the rule o ony indiveedual."