Kirkcaudy

Frae Wikipedia

Kirkcaudy (Scots Gaelic: Cathair Challdainn Inglis: Kirkcaldy) (kent as the Lang Toun an aw) is a toun in Fife wi a population o aboot fifty thoosand.

Tradeetional industry is in decline but the makkin o linoleum still gaes on.

Adam Smith, writer o The Wealth of Nations wis born in the toun. Mony ither weel-kent fowk wis born in this toun forby. Amang thaim wis Mairjorie Fleemin the poet (Marjorie Fleming in Inglis), Robert Aidam the airchitect (his faither William and brither James forbye). Gordon Broun's faither wis the meinister o St Brycedale kirk an Broun hissel bade in the Lang Toun while he wis a bairn.

The toun haes mony things tae interest veesitors. The Airt Gailery an Museum has weel-kent pentins bi airtists o the Glesca Boys an Scottis Colourist schuils. Ower the street is the Aidam Smith Theatre. The toun hauds the Links Mercat ilka year an locals wad sey that it's Europe's langest street fair (but that's doutfu).

The toun's senior fitba team is the Raith Rovers, playin in the Scots Second Division the nou.