Salvatore Cambosu
Dae Wikipedia, s'entziclopedia lìbera.
Po praxeri, ponni su template e removi custo amonestu.
Po' s'atrus artìculus ki olidi custu template, castia custa category.
(Oroteddi (NU), 1895 - Nùgoro, 1962). Iscritore.
[edit] Biografia
At fatu sos primos istùdios in Nùgoro, in ue at ledu sa maturidade clàssica e su diploma de maistru de iscola elementare. At istudiadu in sas Universidades de Pàdua e Roma sena mai si laureare. Torradu a Sardinna at insinnadu in unas cantas biddas de s'ìsula, a pustis si nche tramudat pro semper a Casteddu.
Ziornalista produtivu e impinnadu, osservadore atentu de sa realidade sarda, at collaboradu cun ziornales sardos e italianos comente "Il Politecnico", "Il mondo", "Nord e Sud", "Ichnusa", "L'Unione Sarda".
Iscritore sensìbile connoschiat bene sas traditziones de sa terra sua e la contat in un'època de gherra intre sa cunservatzione de su tempus coladu e su andare cara a su tempus benidore.
S'òpera sua de importu prus mannu est Miele amaro (1954) definida dae sos intelletuales sardos de su tempus, comente "su fatu prus importante de sa crònaca literària sarda de sos ùrtimos deghe annos" (A. Pigliaru), "unu bastimentu de ispètzias e de paristòrias, de contos, de mele e de poesia" (G. Pinna), etc.
Si podent amentare finas àteras òperas de Cambosu, comente Lo Zufolo de su 1932, Il carro publicadu a puntadas in su 1934 in L'Unione Sarda, Una stagione a Orolai sinnaladu dae sa zuria in su prèmiu Grazia Deledda de su 1954.
[edit] Fontes bibliogràficas
Mameli G. , Bua M., Lo scrittore nascosto. Il meglio di Salvatore Cambosu, Edizioni Della Torre,