Papiros
Dae Wikipedia, s'entziclopedia lìbera.
Sotziedade editoriale sarda, cun sede in Nùgoro, ispetzializada mescamente in libros in sardu pro pitzinnos. Sos libros suos sunt presentes in totu sas librerias de sa Sardinna.
Editziones Papiros est connota finas pro aer organizadu e organire cuncursos literàrios e didàticos pro sas iscolas, pro dare s'ocasione a sos iscolanos sardos, de praticare sa limba sarda iscrita. Unu de sos prus connotos est "iscrie una lìtera a sos Tres Res", chi cunsistit in una lìtera in sardu chi s'iscolanu de sas iscolas elementares de sa Sardinna chi imbiat a sos TRES RES de sa traditzione cristiana. Sa premiatzione la faghent semper su 6 de ghennarzu de onzi annu in una bidda de Sardinna. Onzi annu sas Ed. Papiros pùblicant in unu libru sas 100 lìteras mezus iscritas dae sos pitzinnos.
