Utente:Antonipistis
Dae Wikipedia, s'entziclopedia lìbera.
[edit] Kini seu
Seu campidanesu de Assèmini, e tenju 32 annus.
[edit] Ita fatzu
Seu laureau in Lìteras (antigas) e spetzialisau in sa SSIS po s'imparu in is scolas segundàrias. Abetu ki una scola si detzidat a mi tzerriai; in su mentris sigu cursus de lìngua sarda e fatzu tradusiduras, in sa spera de das biri pubrigadas in cancu manera.
De pagu m'ant tzerriau in d-una scola. Po malasorti est atesu de domu e innia no dui at sa ADSL. A si ligi candu fait!
[edit] Deu e sa lìngua sarda
Mi praxit sa lìngua sarda de candu tenemu 17 annus. D'apu imparada de ayaya mia e apu sighiu ligendi librus de sardu e in sardu, de totu is bariedadis.
Apu sçoberau de scriri segundu sa grafia autònoma cuncordada de Antoni Lèpori. S'arrexoni de custu sçoberu est ca custu sistema de scriidura andat beni po is tres bariedadis fundamentalis de sa lìngua sarda sentza de lassai arrui e perdi is sonus caraterìstigus de donniuna de issas.
Is ainas mias funt custas:
- Màriu Puddu, Ditzionàriu de sa limba e de sa cultura sarda (càstia www.ditzionariu.org);
- Antoni Lèpori, Gramàtiga Sarda po is Campidanesus;
- Antoni Lèpori, Dizionario Italiano-Sardo Campidanese;
- gramàtigas de sa LSU e atras ancora (is ki potzu agatai in libreria comunali).
