Nanu ya Kababalaghan ing Batung Aini?

Ibat king Wikipedia

Nanu kanu ing Lijim ning Batung Ayni?

I Russell Arador ning "Inquirer News Service" king Menila, bansang Pilipinas gewa neng pamagat ing kutang ayni king Amanung Inglish ketang belita ne ining keng lalam anyang Ka-5, nang Aldo ning Oktubri, 2005.

King balisbis na ning Bunduk Zambales karin king Pangasinan, atin arkaelogong mekatuklas king maki-dinukit a dulang batu. Atin aduang pulung banua alus, y Ronnie Alonzo, ginastus yang maiguit milyon a pesus manigaral nung nanu yata ing mesabing batu . Ing megastus na ampon oras na mipasulit uling ing batu atin yang tagle matimbang a lijim. Ing makadukit pala king batu kodigu yang magsilbing mangituldu nung nuyata karin ing mewalang Labuad na ning Atlantis. Inapag nang Alonzo karin king Gresya karing sugi ning syensya a menibat Europa at Amerika king ing makadukit king batu ya ing mapa ning yatu at makabilang ya ing kalulugalan na ning Atlantis, antimurin karing puersang mengialkus king anyu ning yatu. Ngana king ding gulis a atyu king batu katugma ne ning Dynamic earth Map at ing World Stress Map a mibalangkas king Geological Survey at Smithsonian Institute ning Amerika. kabang ing edad na ning batu eya pa mesukad, mausta yang bugtung nung ding makadukit gawa lang tau o bague lang lingkas. Makatakda yang ume Amerika Y Alonzo ban masuri nung pilan neng banua ing batu, at ban lumawe yang ekspertu keng gulis, antimo ing payul na ning Geologong Griyegu, canita matantya ing posibilidad a ing makalimbag lingkas yang bague O gawa yang tau. Ing Griyegung Papamarinopoulos ya ing metung karing menimuna king pangabubu na ning pangmeto-yatung kapulungan nung nu ne inapag Alonzo ing alus aduang nang pulung banuang pamag-aral. Y Alonzo a manigobra king kayang titulu keng Arkaeloguia tegunan ne ing kapulungan king Milos, Gresya, nung nu ing paksa yapin ing mawawala nang labuad ning Atlantis. Karing tinagun kabilang la ding pantas ning Gresya, Italia, Israel, Chechoslovakia, Alemanya, Chile, Amerika, Pransya, Australia, at Denmark. King pamilarawan nang Alonzo, ginamit yang labing anam a puntus ban palto na king ing kodigo king batu ning Zambales makaugne ya king Mitologuiang Atlantea. Subali king Atlantis and king trayangulu na ning Bermuda, makagulis ya naman king batu ing Pulu ning Pilipinas, ing Dagat-dagatan ning Bengal, ing Grupu na ning Ninety East Ridge, Ing Pulu ning Hawaii, ing Aleutian, ing grupu ning pulung Reyna Elizabeth, ing Wrangel, ing Flecher, ing grupu ning Pole at Barent Abyssal Plains, ing pulu ning Svalvard, ing Spits Bergen at grupu ning NorthEast Land, ing grupu ning Alexandria, ing Northland Bolshevik, Pulu ning Rebolusyon Octobre,ing grupu ning pulung Komsomolets, ing Bunduk ning Ural, ing Great African Reef Valley, at ing grupu ning African Magnetic Anomaly. Atin yang atlung pulu at apat a bilungan ing gawa nang Alonzo, keraklan meapsi king aduang dalan a kasulatan a miyapag king kapulungan king Milos. Magsalupsupan la ding matenakan na ning Gresya uli kaseng maniwala lang ing mewalang labuad ning Atlantis atyu ya king Thera, pulu na ning Gresya. Ing Pilosopong griyegung Y Plato ya ing minunang sinulat tungkul king Atlantus a limbug 11,500 banuang milabas iniang mukiat ing danum at lasawan ne ing yelu king North Pole. Agpang kang Plato, agyang piagum mo ne ing Libya at ing Asia, maliwalas ya pa murin keng sukad ing Atlantis. Kasalukuyan, ing batung atagpuan nang Alonzo, yang paksa ning pamanyuri da ding Geologo, Antropologo, at Arkaelogo nung nu panintunan de ing tamak a pakibat nung ing makadukit king batu kararaptanan ne ning tao o kararaptanan ne ning naturalesa.