Lasetas
Ibat king Wikipedia
-
Ing artikulung iti tungkul ya keng uri ning kutsiliu. Para kareng aliwang kabaldugan na niti, Lasetas (disambiguation).
Ing lasetas (king Ingles, switchblade, automatic knife, switch, o king British English, flick knife) metung yang uring kutsiliung maki taram a tutuklip o tatalusad neng titimid ya itang buton o baluat ketang talanan.
Legal lang sandata king America ampong Rusia deng lasetas, at panibalan do reng leyi o batas—mipatupad la reti aniang panaun ning kapigaganakan kareng pahayagan ampong pelikula tungkul king pamangamit da reng kutsiliu. Kapansin-pansin iti kanitang dekadang 1950, aniang pepalage do reng pelikula anti ing The Wild One kanitang 1954, Rebel Without a Cause ampong High School Confidential kanitang 1955, ampo ing drama king Broadway a West Side Story kanitang 1957, a tungkul kareng kayanakan a magrebeldi, a keraklan gagamit lasetas. Kaibat dang mipalage reti, mipatupad ya ing US Switchblade Act of 1958, at alus katuki ne ing UK Restriction of Offensive Weapons Act 1959.
Kalamnan |
[mag-edit] Pamiyanti o pamagkumpara kareng diseniu
Adua ing pangkabilugan dang uri deng lasetas, deng “side-opening” o bubuklat king tagiliran, ampong “out-the-front (OTF)” o tatalusad. Mag-pivot ya palualibat king tagiliran ning talanan ing taram ning lasetas a side-opening (anti ing karaniwang kutsiliung tutuklip, liban mu ketang buton a titimid). Ita namang lasetas a out-the-front, tatalusad yang diretsu payabanti, ibat king sepu ning talanan. Aduang lang uri deng lasetas a OTF (out the front): double action ampong single action.
Agagawa ning gagamit a ikaba ya o iurung ing taram da reng double action OTF katimid ning metung a buton a tatalusad. Ing pamangimut ning buton ing babie king puersang spring tension, ania mas ligtas la reti uling e na la kabud mibubusni. Nanupata, uling uli ning karagdagang puersang kailangan, mas masákit lang sarian a buklat deti.
Den namang single action OTF, kailangan dang iatras ya king gamat ing taram, at kaibat pitpitan ya o itimid ing spring. Uling mangailangan lang baluat (lever) ba yang itimid ing muelie (spring), maliari lang gamitan deng mas mangasikan a muelie. Uli na niti, mas masikan lang bubuklat kesa keretang double action, ania mas matigik la pangasara.
King karakal da uri deng mekanismu da reng buton, baluat, paniarang taram, safety, ampong pangabalangkas a tunggal o tia-rakal a taram ampong muelie, imposibli lang ilista ngan deti. Dakal la reng libru ampong pahayagan a misulat ba lang saupan deng manipun kareti (collector) king pamitinduk-tinduk (classification) kareti.
Neng kayi, magagamit ya ing katayang stiletto king America kareng lasetas nung nu lulual ya ing taram king metung a danggut o sepu ning pulu o talanan. Nanupata, e ya dapat apapagkamalian ing lasetas a bubuklat king tagiliran kareng balisung, assisted-opening knife, o kaya itang stiletto a e bubusning dili na (non-automatic stiletto).
Manibat kanitang dekadang 1930 anggang 1950, pulidu la pangawa king gamat deng lasetas, at panintunan do reng kolektor. Ngening bandang tauli, tia-rakal da nong gagawan deti, ania mas mura lang lalto deng lasetas, mas maimpis la materialis, at e no makaing detaliadu pangagawa. Nanupata, atin pa muring marakal-dakal a kumpania ampong taung gagawang pasadia kareng matas a uring lasetas para king militar, emergency personnel (tauan a kailangan kareng e asahan a pamikatagun), ampong manipun lasetas o knife collector. Kayabe la kareng pikabaluan a gagauang automatic a lasetas deng Microtech Knives, Gerber Legendary Blades, ProTech, Benchmade, Dalton, Boker/Magnum, Severtech, Spyderco, ampong Piranha. Potang kayi, atin muring talagawang Italianung kilala kareng klasikung istilong stiletto switchblade. Kayabe ya kareti i Frank Beltrame, ibat king pamiliang lima nang pulung (50) banuang gagawang automatic, ampo ing AGA Campolin, metung pang pamiliang maigit nang anam a pulung (60) banuang atiu king negosiung iti.
Uling bawal la kareng aliwang lugal deti, ating metung a uring lasetas a maki diseniung dual action o adua uri pangabuklat, nung nu maliari neng buklat ning gagamit ing lasetas a anti ya mong kutsiliung bubuklat king gamat (a keraklan e bawal). Maralas, makasalikut ya king metung a grip panel itang pamuklat kareng lasetas a reti, ania kailangan yang sakmalan o palipitan ing talanan king metung a paralan, o aliwa ya pang uri pangasalikut.
[mag-edit] Kabilian king leyi o batas
Nanuman ing partikular a leying papaliari da, kareng bansang common law, tuturing dong mapanganib a sandata (offensive weapons) deng lasetas, at bawal lang pidala-dala king kilual a alang kapaintulutan o masikan a sangkan.
Nanupata, keraklan, ating partikular a leying makaparikil kareng lasetas. Keraklan, lilimitan da reti ing metung kareng makatuki: pamangawa, pamaglual (export), pamaglub (import), pamamisali (sale), pamibandi (possession) o pamagdala king publikung lugal (carrying in a public place).
[mag-edit] Lon la murin deti
[mag-edit] Pikuanan
- Various links to U.S. State switchblade laws
- http://www.cga.ct.gov/2005/pub/Chap943.htm#Sec53-206.htm
- Police-information.co.uk: Knives
- British Knife Collectors Guild: "Prohibited Knives"
- State Knife Laws
- Discussion about Federal Switchblade Act
- NZ Police: "Swords, Knives and Bayonets"
- http://www.leg.state.fl.us/data/session/2003/Senate/bills/analysis/pdf/2003s2256.cj.pdf
- http://election.dos.state.fl.us/laws/03laws/ch_2003-082.pdf
- http://www.dps.state.ia.us/asd/weapons/wbrochure.pdf
- American Knife and Tool Institute http://www.akti.org/
|
|
|
|---|---|
| Kasangkapan a pamutut | Daras · Palakul · Taram · Bolt cutter · Broach · Ceramic tile cutter · Chainsaw · Countersink · Endmill · Froe · Kutsiliu · Taram barena · Machete · Milling cutter · Pamalbas · Reamer · Lagari · Bisturí · Gunting · Lasetas · Tool bit · Water jet cutter |
| Kasangkapan king mula | Cultivator · Garden fork · Hedge trimmer · Sarul gamat · Hori hori · Lawnmower · Lawn aerator · Leaf blower · Leaf sweeper · Loppers · Mattock · McLeod · Mini-tractor · Suligi · Sarul · Pruning shears · Pulaski · Piruya · Pala · Sprinkler · String trimmer · Trimmer |
| Kasangkapang gamat | Automatic center punch · Balbiki · Pat · Panyipit · Hacksaw · Martiliu · Handsaw · Nibel · Plais · Punch · Distiliador · Torque wrench · Isponga |
| Kasangkapang di makina | Band saw · Belt sander · Chainsaw · Circular saw · Concrete saw · Crusher · Diamond blade · Disc sander · Drill · Grinder · Heat gun · Impact wrench · Jigsaw · Jointer · Tornu · Radial arm saw · Random orbital sander · Rotary tool · Sander · Table saw · Thickness planer · Wood router |
| Aliwa | Mangatuang kasangkapan · Diamond tool |
