Trencavel
Un article de Wikipèdia, l'enciclopèdia liura.
La familha Trencavel foguèt una importanta dinastia vescomtala que governava , entre los sègles X e XIII, los vescomtats de Nimes, Albi, Carcassona, Rasés, Besièrs e Agde, en Lengadòc.
Lo nom 'Trencavel' ven benlèu del mot composat 'trencavelana' (trenca avelana). A l'origina escaisnom o pichòt nom, 'Trencavel' devenguèt, mai tard, un nom d'ostal que portaran tres vescomtes (Raimon Trencavel I, II e III), e qualquas donas de l'ostal vescomtal.
Lo primièr membre documentat de la familha Trencavel es Aton I, que foguèt vescomte d'Albi a l'alba del sègle X. Seguiran cinc generacions de vescomtes d'Albi per descendéncia directa: Bernat Aton (mòrt en 937), Aton II (mòrt en 942), Bernat Aton II (mòrt en 990),Aton III (mòrt en 1030) e Bernat Aton III (mòrt en 1060). Raimon Bernat (mòrt en 1074), filh de Bernat Aton III, se maridèt amb Ermengarda de Carcassona, sòrre de Rogièr, lo darrièr comte de Carcassona. Raimon Aton èra vescomte d'Albi e Nimes, e aquesís Carcassona e Besièrs en l'an 1068, abans la mòrt de son cunhat.Son filh, Bernat Aton IV (mòrt en 1129), foguèt vescomte d'Albi, Besiers, Carcassona, Nimes e Rasés. En aqueste moment, la familha Trencavel, amb Bernat Aton IV, tenguèt dins son domeni totas las tèrras dels comtes de Tolosa; malgrat aquò, los Trencavel aqueriguèron pas jamai lo titol de comte. Los filhs de Bernat Aton IV van dividir l'eretatge de son paire. Lo mai grand de totes , Roger I (mòrt en 1150), prenguèt Albi, Carcassona e el Rasés. Lo segond filh, Raimon I mòrt en 1167) prenguèt Besièrs, e eretarà d' Albi, Carcassona e del Rasés quora son fraire Roger moriguèt sens descendéncia. Fins finala, lo menor dels filhs de Bernat Aton IV, Bernat Aton V (mòrt en 1159), eretera de Nimes e Agde.
Aqueste conglomerat de tèrras al centre del Lengadòc e dins las mans dels Trencavel van donar a aquesta familha una posicion de considerable poder durant los sègles XI e XII. Tant es que sos vesins directs (los comtes de Tolosa a l'oèst e de Barcelona al sud), vesent l' importancia dels Trencavel e las sieunas tèrras cercaran aliança amb els. Majoritarament, los Trencavel foguèron aliats dels comtes de Barcelona.
Lo govern dels Trencavel s' acabara en 1209 per Carcassona, lo Rasés, Besièrs e Albi, e en 1214 per Nimes e Agde (a causa de la conquista de Simon de Montfort, pendent la Crosada Albigesa). Recobraran lo poder brèvament entre 1224 e 1227 e aprés parcialament en 1240, mas finalament renonciaran a tots lors drets en favor e jos la pression del rei de França en 1247.
Raimon-Rogièr Trencavel serà un dels protagonistas importants de la crosada dels Albigeses. S'oposarà mai d'un còp al terrible Simon de Montfòrt, fins a qu'aqueste darrièr lo captura e confisca totas sas tèrras .
