Un article de Wikipèdia, l'enciclopèdia liura.
Lo ròcafòrt es un formatge occitan de Roergue (Avairon), del vilatge del meteis nom, Ròcafòrt. Benefícia d'una AOC dempuèi 1925[1] e d'una AOP dempuèi 1996[2]. Es un formatge a basa de lach de feda de la raça de La Cauna amb un pes mejan de 2,5 kg. Lo lach ven dels departaments de Losera, d'Avairon, de Tarn, d'Aude, d'Erau e de Gard (dins un rai de 100 km a l'entorn del vilatge de Ròcafòrt) mas l'afinatge se fa solament dins las cavas del vilatge de Ròcafòrt.