Parietaria officinalis
Un article de Wikipèdia, l'enciclopèdia liura.
|
|||||||||
|---|---|---|---|---|---|---|---|---|---|
 |
|||||||||
| Parietaria officinalis | |||||||||
| Classificacion classica | |||||||||
| Règne | Plantae | ||||||||
| Sosrègne | Tracheobionta | ||||||||
| Division | Magnoliophyta | ||||||||
| Classa | Magnoliopsida | ||||||||
| Sosclassa | Hamamelidae | ||||||||
| Òrdre | Urticales | ||||||||
| Familha | Urticaceae | ||||||||
| Genre | Parietaria | ||||||||
| Nom binomial | |||||||||
| Parietaria officinalis L., 1753 |
|||||||||
| Òrdre | Rosales | ||||||||
| Familha | Urticaceae | ||||||||
|
|
|||||||||
Percorrètz la biologia sus Wikipèdia :
|
|||||||||
.svg/20px-AlphaHelixSection_(blue).svg.png){kind=small}
La Paredalha es una planta erbacèa de la familha de las urticacèas.
Somari |
[Modificar] Etimologia
Nom que deriva del latin paries (muralha, paret), fa referéncia al biais que creis la planta sus de parets o murs vièlhs.
[Modificar] Ecologia
S'encontra en Euròpa centrala e meridionala, nòrd d'Africa e Asia occidentala Creis sobre murs, parets, esclats de ròcas, terrens per bastir, ostals vièlhs o broas de camins. Preferís los sòls nitrificats, per aquò apareis sovent on i a preséncia umana o d'animals.
[Modificar] Descripcion
Es una planta vivaça (las partidas aerianas son annalas e las subterranas son persistentas) . Ten una forma de mata pauc compacta amb una basa lenhosa, de 20 a 50 cm d'alçada, las tijas son fòrça ramificadas e son cobèrtas de pèls non urticants ( fissan pas) malgrat que la planta apertenga a la familha de las urticacèas coma las ortigas. Las fuèlhas son altèrnas amb peciòl e de forma ovoïda acabadas en punta, presentan dos parelhs de nervis laterals e son cobèrtas de pèls (pubescentas) coma tota la planta. S'agafan aisidament a la rauba. Las flors apareisson de març a octobre, son verdas e se presentan agropadas en inflorescéncias globularas (glomeruls) que las del centre son femes e la rèsta ermafroditas .Son pollen provoca de reaccions allergicas : es l'allergen mai important de la còsta mediterranèa. Lo fruch es oval de color negre brilhant que s'agafa fòrtament als vestits o als pels dels animals, çò que contribuís a sa propagacion e li permet de colonizar rapidament los èrmasses pro nitrificats. Es una planta rica en potassi qu'es utilizada contra les malautiás de las vias urinarias per sas propietats diüreticas.
[Modificar] Ligams extèrnes
- Referéncia ITIS : TSN 19168 Parietaria officinalis L. (en)
- Referéncia NCBI Taxonomy : Parietaria officinalis (en)
