Nombre
Un article de Wikipèdia, l'enciclopèdia liura.
Lei nombres son d'entitats abstrachas utilizadas dins lo comptatge e la mesura, e que permeton, per mejan dau calcul, d'accedir en d'informacions novèlas. Son presents dins lo lengatge e dins fòrça activitats umanas. En particular, la sciéncia modèrna existiriá pas sens elei, e lei tecnicas numericas jògan un ròtle de mai en mai important dins nòstrei societats. Lei matematicas son la disciplina que, dempuei l'Antiquitat, estúdia lei nombres, n'aprefondís la conoissença, e n'alarga la portada per de generalizacions successivas.
Somari |
[Modificar] Remarcas terminologicas
[Modificar] Chifra
Una chifra es un caractèr utilizat per escriure un nombre o un numèro dins un sistèma de numeracion. Una error frequenta es de confondre lei nocions de chifra e de nombre (una error analòga seriá de pas destriar lei nocions de "letra" e de "mot", o la letra a de la preposicion a).
- Sistèma de numeracion decimala : dins aquela escritura, la soleta que siá usuala a l'ora d'ara, lei chifras son lei chifras aràbias :
- 0, 1, 2, 3, 4, 5, 6, 7, 8, 9
- Per exemple, 25 − 17 = 8 (resultat d'una operacion) es un nombre e non pas una chifra, e mai son escritura decimala compòrta una soleta chifra.
- Sistèma de numeracion binària : dins aquela escritura, existisson solament doas chifras, sonadas bits (de l'anglés binary digit ) :
- 0, 1
- Sistèma de numeracion romana : dins aquela escritura, lei chifras son :
- I, V, X, L, C, D, M
[Modificar] Numèro
Un numèro es una lista de chifras que sièrve pas a comptar o a mesurar e que jòga generalament lo ròtle d'una etiqueta numerica : per exemple, un numèro de telefòn.
[Modificar] Tipes de nombres
Existisson divèrs tipes de nombres ; per òrdre de generalitat creissenta, citem : leis entiers naturaus, lei nombres entiers, lei nombres decimaus, lei nombres racionaus, lei nombres reaus, lei nombres complèxes (puei encara d'autrei coma lei qüaternions, leis octonions...).
Se'n fa aicí una presentacion informala, onte leis ensembles de nombres son classats segon l'òrdre precedent.
[Modificar] Entiers naturaus
Lei nombres pus familiars son leis entiers naturaus, elements de l'ensemble , utilizats per lo comptatge : 0, 1, 2, 3, ... Doas operacions i son definidas : l'addicion e la multiplicacion.
Per còntra, la sostraccion pausa problèma : se pòt que la diferéncia de dos entiers naturaus siá pas definida dins ; per exemple, se i pòt pas definir d = 2 − 4 perque existís ges d'entier naturau d tau que 4 + d = 2. Se ditz que l'eqüacion 4 + d = 2 d'inconeguda d a pas de solucion dins .
[Modificar] Nombres entiers
Per obviar a aquela dificultat, se definís de nombres novèus, que son leis entiers (estrictament) negatius, permetent de donar sens a una sostraccion coma la precedenta : 2 − 4 = −2. Un tau nombre se pòt interpretar concretament en tèrmes comptables coma un deute. Per exemple, s'una persona dispausant de 2 èuros crompa un article de 4 èuros (lo comerciant li fasent crèdit), dispausarà finalament en èuros d'una soma de 2 − 4 = −2, autrament dich, son deute serà de 2 èuros. Leis entiers negatius son utilizats correntament dins l'escala dei temperaturas : una temperatura de −3 °C es 3 °C en dessota de 0 °C.
L'ensemble constituit deis entiers naturaus e deis entiers negatius es notat (l'iniciala de l'alemand Zahl, "nombre" ; Zahlen au plurau) e seis elements son lei nombres entiers, que generalizan leis entiers naturaus. Tres operacions i son definidas : l'addicion, la sostraccion e la multiplicacion. Se ditz que l'ensemble , provesit de l'addicion e de la multiplicacion, es un anèu commutatiu.
Per còntra, la division pausa problèma : se pòt que lo quocient de dos entiers siá pas definit dins ; per exemple, se i pòt pas definir lo quocient perque existís ges d'entier r tau que 3 r = 2. L'eqüacion 3 r = 2 d'inconeguda r a pas de solucion dins .
[Modificar] Nombres racionaus
Una segonda generalizacion permet de tractar la dificultat : se definís lei nombres racionaus. Cadun d'elei s'escriu coma una fraccion r = p / q de dos entiers p, q onte q es diferent de 0, per exemple 2 / 3, o (−3) / 4 = 3 / (−4) que se pòt tanben escriure −3 / 4 ; la fraccion representa lo quocient dei dos entiers. Lei racionaus generalizan leis entiers, car tot entier n es lo racionau n / 1.
L'ensemble dei nombres racionaus es notat (l'iniciala de quocient). Quatre operacions i son definidas : l'addicion, la sostraccion, la multiplicacion e la division. Se ditz que l'ensemble , provesit de l'addicion e de la multiplicacion, es un còrs.
En escritura decimala, lei nombres racionaus son caracterizats per la periodicitat de son desvolopament : a partir d'una cèrta posicion, un grop de decimalas se repetís. Per exemple : 253 / 700 = 0,36 142857 142857 142857 ..., onte lo grop de decimalas 142857 (sonat periòde dau desvolopament) es indefinidament repetit après la segonda decimala.
[Modificar] Nombres decimaus
Lei nombres decimaus son lei racionaus que se pòdon escriure coma lo quocient (onte e ) d'un entier e d'una poténcia de 10. Son caracterizats per un desvolopament decimau finit, valent a dire que sei decimalas son totei nullas (e son pas escrichas) a partir d'una cèrta posicion : per exemple 3 / 25 = 12 / 102 = 0,12 es decimau ; 1 / 3 o es pas. La soma e lo produch de dos nombres decimaus son tanben de nombres decimaus (mai pas lo quocient en generau).
L'ensemble dei nombres racionaus es notat (l'iniciala de decimau). Provesit de l'addicion e de la multiplicacion, es un anèu commutatiu.
[Modificar] Nombres reaus
Lei nombres reaus comprenon totei lei nombres utilizats dins de mesuras. Generalizan lei nombres racionaus, car coma elei, an un desvolopament decimau, mai aquest es pas necessariament periodic.
Per exemple :
- lo nombre es la longor de la diagonala d'un carrat qu'a per costat c = 1 : es conegut dempuei l'Antiquitat qu'aqueu nombre reau es pas racionau : se ditz qu'es irracionau.
- lo nombre es la circonferéncia d'un ceucle qu'a per diamètre d = 1 : se saup dempuei lo sègle XVIII (foguèt demostrat per Johann Heinrich Lambert) qu'aqueu nombre reau es irracionau.
L'ensemble dei nombres reaus es notat (l'iniciala de reau). Quatre operacions i son definidas : l'addicion, la sostraccion, la multiplicacion e la division. L'ensemble , provesit de l'addicion e de la multiplicacion, es un còrs.
De mai, es totalament ordenat : existís una relacion d'òrdre totau notada " " que permet de comparar dos reaus x, y quins que sián.
Finalament, se pòt representar l'ensemble dei nombres reaus per una drecha (la drecha reala), cada nombre reau x correspondent au ponch de la drecha qu'a per abscissa x.
[Modificar] Nombres complèxes
Existís pas de nombre reau qu'a per carrat −1. Aquesta impossibilitat menèt de matematicians italians dau sègle XVI a l'invencion de nombres novèus, sonats inicialament nombres imaginaris (en oposicion a nombres reaus), e que son nom actuau es nombres complèxes. Lei nombres complèxes son leis expressions , onte x, y son dos reaus sonats respectivament partida reala e partida imaginària dau nombre complèxe z, e es un nombre complèxe que verifica la relacion :
Generalizan lei nombres reaus, car per tot reau x :
- ; autrament dich, lei nombres reaus son, entre lei nombres complèxes, aquelei qu'an 0 per partida imaginària.
L'ensemble dei nombres complèxes es notat . Se i definís una addicion e una multiplicacion ; per definicion, se x, y, u, v son de reaus :
L'ensemble , provesit de l'addicion e de la multiplicacion, es un còrs eu tanben.
Se pòt representar l'ensemble dei nombres complèxes per un plan (lo plan complèxe), cada nombre complèxe correspondent au ponch dau plan qu'a per abscissa x e per ordenada y.
En defòra dei matematicas, que n'an desvolopat fòrça l'estudi e onte son venguts indispensables dins fòrça domenis (comprés l'estudi dei nombres entiers), lei nombres complèxes son utilizats en fisica (teoria dei corrents alternats, fisica qüantica).
[Modificar] Cadena d'inclusions
Lei generalizacions successivas que se vèn de citar de la nocion de nombre son resumidas dins aquesta cadena (onte cada ensemble es un sosensemble pròpri dau seguent : leis ensembles son totei diferents) :
[Modificar] Bibliografia
- (en) John H. Conway & Richard K. Guy, The Book of Numbers, Springer-Verlag, 1996, 310 paginas.