Micheu Chapduelh
Un article de Wikipèdia, l'enciclopèdia liura.
Micheu Chapduelh (prononciar: [sa'dyɛj]) es un escrivan e chansonier occitan nascut en 1947 a Agonac en Dordonha ente demòra enquera. Es un daus prumiers escrivans occitans-lemosins a aver utilisat la grafia occitana normalisada. Participa a la revusda Lo Leberaubre consacrada a la literatura fantastica emb Jan dau Melhau. Son òbra es un boiradis d'umor negre e de fantastic. Escrivet de nombrosas chançons, coma per Joan-Pau Verdier. Presidet longtemps Novelum, la seccion peirigòrda de l'IEO. Chapduelh es tanben coneishut per lo Prerafaelita Tibetenc, revista satirica publicada cada annada a l'amassada generala de l'IEO.
[Modificar] Bibliografia
- Lo còr e las dents (poèmas, Traces, 1969)
- La formation des mots dans le dialecte nord-occitan du Périgord (Universitat de Bordèu, 1969)
- L'Òme, pas mai (poèmas, Lemouzi 1970)
- L'emplumat (poèmas, Chas l'autor, 1971)
- Lo chen en Lemosin (Estudi, Escòla Occitana d'Estiu, 1978)
- Quand las bèstias parlan... (Estudi bilingüe sus los mimologismes, amb disc, Novelum-IEO 24, 1978)
- De temps en temps (roman, Novelum IEO-pròsa, 1973, A Tots, 1981)
- La segonda luna (roman, A Tots, 1980)
- L'Arquibaunobiliconofatz (en collaboracion, Novelum, amb caisseta, A Tots, 1983)
- Beure e minjar lo país (ensag en francés Novelum IEO 24, 1987)
- Cuisine paysanne en Périgord (Recèptas, L'Ostal del Libre, Orlhac, Colleccion "escapades", 1994)
- Grizzly-John e autres contes (contes modèrnes, A Tots, 1997)
- Coleras (Croniques, IEO, colleccion "Ensages", 1997)
- Chançons (enregistradas per Joan-Pau Verdier, Gui Broglia, Didier Duponteix, Joan-Francès Latornaria, Peiraguda, Perlinpinpin fòlc ...)