Massís de la Santa Bauma
Un article de Wikipèdia, l'enciclopèdia liura.
Lo Massís de la Santa Bauma es un massís calcari d'Occitània, en Provença, dins lei departaments de Var e dei Bocas de Ròse.
Lo massís s'estend de l'Oèst a l'Èst-Nòrd-Èst sus 35 km de long (amb una linha de cresta de 12 km) e 15 km de larg amb una superficia de 21 km². Lo som dau massís es lo Jo de l'Aigla que culmina a 1147 m. Compren egalament sus son flanc Oèst lo ponch culminant dei Bocas de Ròse : lo pueg de Bertanha que atenh l'altitud de 1042 m.
Lo caractèr excepcionau dau site tèn a la preséncia d'una fageda madura, preservada despuei mai d'un segle, e de la bauma de Santa Maria Magdalena, luòc de pelegrinatge major a l'Edat Mejana.