Mascs Roges

Un article de Wikipèdia, l'enciclopèdia liura.

Lei Mascs Roges de Thay forman una organisacion fictiva e una classa sociala de marrits magicians dins la campanha dei Reiaumes Oblidats, tirada dau juèc de ròtle Donjons e Dragons. La classa de prestigi masc roge fa d'un personatge un membre de plen drech de l'organisacion.

Lei Mascs Roges son de mandaires de sòrts malefics que renhon sus la region inespitaliera mai pasmens fòrça abitada de Thay. Esclavatgistas, demònistas e experimentators, lei Mascs Roges son fòrça crenhuts per lo rèsta de Fadaruna. Essajan de lònga de conquerir lei territoris vesins de la Rachemenia (onte fuguèron batuts per lei mascas qu'i restan), l'Aglarond (onte se faguèron remandats per la Simbula, l'una dei Sèt Sòrres), e Mulhorand (d'onte lei premiers emigrats de Thay vènon).

Lei Mascs Roges son dirigits per lei vuech Zulquirs, un per escòla de magia, e que son dirigits per Szass Tam, poderos archimaga e licha.

An tanben de nombros enemics sus Abeir-Toril. Se an lo supòrt de demònis e de drows, s’opausan ai Mascas de Rachemenia, ai Sèt Sòrres e seis aliats, ai Menestreus, e tanben au Zhentarim qu’agrada pas sei tendanci a l'expansionisme territoriau.

La darniera conquista dei Mascs Roges, après una cosenta desfacha còntra la Rachemenia en 1375 CV, es de s'apropriar d’un biai legitime les nacions de Fadaruna en vendant d’objèctes magics publicament, e dins l'ombra, en trafegant de dròga, de sòrts fòradits e d’esclavas. D’aquest biai, se construison dei bastions dins d’autreis estats e pòdon s'infiltrar au còr de la politica. Tot aquò lei ren d'autant mai poderos e indispensable, ço que pòu èstre vist coma un grand pas dins sa volontat de dominacion dau monde.