Marin Marais
Un article de Wikipèdia, l'enciclopèdia liura.
Marins Marais (París, lo 31 de mai de 1656 - París, lo 15 d'agost de 1728) que ho un musician (viòlista) e compositor francés deu sègle XVII.
Hilh de Vincent Marais, sabatièr, e de Catherine Bellanger, que comencè a apréner la musican en estar corista en la glèisa de Saint-Germain-l'Auxerrois on aprengó tanben las bases de la viòla de gambe.
Quan he lo 16 ans que deishè lo còr e que se n'anè estudiar dab lo viòlista occitan Joan de Santa-Coloma qui, au cap de seis mes, be'u digó que non podèva pas mei arren per eth.
Marais qu'entrè arron dens l'Académie royale de musique com viòlista. En 1676 qu'esposè Catherine Darnicourt dab qui avore mantuns mainatges. En 1679 qu'entrè dens la Musique du Roi e que hore tanben musician a l'operà.
A la mort de Jean-Baptiste Lully (qui èra estat autrejat lo monopòli suber la creacion e la representacion musicau) que podó compausar e apitar l'operà Alcide (dab un libret de Jean-Galbert de Campistron).
