Istoric de l'informatica

Un article de Wikipèdia, l'enciclopèdia liura.

L'informatica es un domeni relativament novèl, que sas raiç son dins la mecanografia, l'electronica, las matematicas, la logica e la lingüistica. Es dins la segonda mitat del sègle XX que l'informatica foguèt reconeissuda coma una disciplina de plen drech e desvolopèt los sieus metòdes pròpris e la sieuna metodologia pròpria.

Encara aqueste imatge foguèt subrestimat al començament : perque los primièrs a programar los ordinadors èran estats d'engenhaires afachs a la tecnica de las equacions diferencialas (los primièrs ordinadors, scientifics, èron fòrça utilizats per aquò), de programadors sens formacion particulara, de còps que i a venguts de la mecanografia, cercavan volontièrs de beneficiar eles tanben d'aqueste label de rocket scientist afin de justificar de salaris renduts confortables per :

• lo prètz pro aut dels ordinadors de l'epòca (se chifrant en çò que seriá de milions d'euros ara, compte-tengut de l'inflacion, relegava au segond plan las consideracions de parcimonia sus los salaris).

• lo biais de presentar la lor disciplina coma pauc accessibla, e un mite de dificultat matematica entretengut a l'entorn. En fach, los primièrs ordinadors se programavan de manièra parièra a aquela de las calculatritz programablas utilizadas adara dins los licèus e colègis, e mestrejadas per de mainatges de catòrze ans.

L'emergéncia d'una programacion vertadièrament scientifica (e non pas dins las aplicacions scientificas solas que son programadas) se manifèsta amb la seria The Art of Computer Programming de Donald Knuth, professor a l'Universitat de Stanford, a la fin de las annadas 60, òbra monumentala encara inacabada en 2004. Las òbras d'Edsger Dijkstra, Nicklaus Wirth e Christopher Strachey procedisson d'un apròchi tanben mai sistematic e el tanben quantificat.

Quauqu'un demandava a Donald Knuth dins las annadas 1980 se valiá mai contunhar de restacar l'informatica (computer science) a l'engèni electric — çò qu'es sovent lo cas dins las universitats americanas — o a un despartament de matematicas. Respondèt : « La classariái volontièrs entre la plombariá e lo despanatge automobile » per soslinhar lo costat encara artesanal d'aquesta sciéncia jove. Totun, la scientificitat fòrta dels tres primièrs volumes de son enciclopèdia suggerís que se tracta aquí puslèu d'una botada de la sieuna part.