Institut d'Estudis Occitans
Un article de Wikipèdia, l'enciclopèdia liura.
L'Institut d'Estudis Occitans (IEO) es una associacion culturala, lei de 1901, creada en 1945. A per tòca lo manten e lo desvolopament de la lenga e de la cultura occitanas per la direccion, l'armonizacion e la normalizacion de totes los trabalhs que pertòcan la cultura occitana dins son ensemble.
L'IEO es organizat en seccions regionalas, seccions departamentalas o cercles locals que s'espandisson dins l'ensemble de l'espaci occitan.
En mai d'aquò, diferents sectors o associacions afiliadas o membres de l'IEO s'ocupan d'activitats especificas.
L'IEO es una associacion lei de 1901 reconeguda d'utilitat publica (1949) e joinesa e educacion populara (1986).
Somari |
[Modificar] Presidents de l'IEO
- De 1986 a 1997: Robèrt Martí.
- De 1997 a : Felip Carbona.
- De a uèi: David Grosclaude.
[Modificar] Las seccions regionalas
- IEO Aquitània
- IEO Lemosin
- IEO Lengadòc
- IEO Miègjorn-Pirenèus
- IEO Provença
[Modificar] Sectors e associacions afiliadas
[Modificar] IEO-IDECO sector edicion-difusion de l'IEO
L'IDECO es lo sector edicion e difusion de l'Institut d'Estudis Occitans.
Basat a Puèglaurenç, l'IDECO assegura d'un costat l'edicion de libres en occitan o sus la lenga e la cultura occitanas – çò que representa a l'entorn de 80 % dels libres publicats en occitan – e, d'un autre costat, la difusion de la màger part de la produccion culturala occitana.
[Modificar] EOE
Escòla Occitana d'Estiu de Vilanuèva d'Òlt (EOE)
L'Escòla Occitana d'Estiu es una associacion afiliada a l'IEO qu'organiza dempuei 1975 una setmana d'estagi sus la lenga e la cultura occitanas al mes d'agost, a Vilanuèva d'Òlt (departament d'Òlt e Garona). Dempuei un an, organiza en mai d'aquò un estagi d'ivèrn entre Nadal e lo Cap d'An a Germ, dins los Pirenèus, a costat de l'estacion d'esquí de Pèiraguda. L'EOE publica tanben una revisda, Camins d'estiu.
[Modificar] UOE
Universitat Occitana d'Estiu de Nimes (UOE)
L'Universitat Occitana d'Estiu (UOE) es organizada cada an per la MARPOC e la seccion de Gard de l'IEO. Aquò es una setmana dedicada a la coneissença de la cultura occitana que se debana a Nimes pendent l'estiu. UOE
[Modificar] Controvèrsias
L'IEO patiguèt qualques crisis long de son istòria. La pus aguda se passèt a la fin dels ans 1970 e a l'inici dels ans 1980, quand s'afrontèron doas tendéncias: una qualificada de "populista", menada per Ives Roqueta e qu'aviá accedit al poder, e una qualificada d'"universitària" menada per Robèrt Lafont. En 1981, la tendéncia "universitària", amb Robèrt Lafont en tèsta, foguèt obligada de quitar l'IEO. Aquò faguèt desaparéisser gaireben completament las activitats de recèrca scientifica a l'IEO, que migrèron cap a d'organismes distints coma las universitats e l'Associacion Internacionala d'Estudis Occitans e, especialament en lingüistica, cap al Gidilòc e al Conselh de la Lenga Occitana. Totun, l'IEO a conservat fins a uèi un ròtle essencial dins lo domeni de l'animacion culturala e dins l'aculhença per defaut d'un grand nombre dels militants de la cultura occitana.
[Modificar] Ligam
- (oc) (fr) Sit oficial de l'IEO
| Ací Gasconha — Leis Amics de Mesclum — Associacion dels Cònsols e Elegits Occitans — Associacion deis Ensenhaires de Lenga d'Òc (AELÒC) — Associacion Internacionala d'Estudis Occitans (AIEO) — Associacion Occitana de Fotbòl (AOF) — Calandretas — Cercle Tèrra d'Auvèrnhe (CTA) — Chambra d'Òc — Conselh de la Lenga Occitana (CLO) — Convergéncia Occitana — Centre Regional dels Ensenhaires d'Occitan (CRÈO) — Cercle d'Afrairament Occitanocatalan (CAÒC) — Federacion dels Ensenhaires de Lenga e Cultura d'Òc (FÈLCO) — Felibritge — Centre de Formacion Professionala Occitan (CFPO) — Gardarem la Tèrra — GIDILÒC — Iniciativa per Occitània — Institut d'Estudis Occitans (IEO) — Lingüistica Occitana — Movement Estudiant d'Occitània (MEd'Òc) — La Mesclanha — Òc Bi — Ostau dau País Marselhés — Paratge — Parlarem — Ràdio Albigés — Ràdio Lenga d'Òc Montpelhièr — Ràdio Lenga d'Òc Narbona e Besièrs — Ràdio Occitània — Ràdio País — Sindicat Occitan de l'Educacion (SÒE) — Union Provençala |
