Forcauquier

Un article de Wikipèdia, l'enciclopèdia liura.

Forcauquier es una vila d'Occitània, en Provença, situada dins lo departament deis Aups d'Auta Provença e la region de Provença-Aups-Còsta d'Azur.

Lo gentilici (nom deis abitants) es forcauquierenc -a. Lo parçan qu'es a l'entorn de Forcauquier se sòna Forcauquierés.

Somari 1 Geografia 2 Istòria 3 Demografia 4 Vejatz tanben 4.1 Liames intèrnes

[Modificar] Geografia

Forcauquier es situat entre la montanha de Lura e Leberon, au bòrd de la Via Domitia. La Ciutadèla, au centre de la vila, es un ensemble de fortificacions sus una còla, subremontada per la capèla de Nòstra Dòna de Provença.

La vila vièlha, datant dau sègle XIII per certanei demòras, es facha de carrieras pichonas e de plaças estrechas. Es en aquela epòca que la vila coneguèt sa densitat pus fòrta, amb probable près de 10 000 abitants. Quauqueis ostaus, tròp vetusts, son abandonats au profiech de pabalhons recents qu'estendon la superfícia de l'aglomeracion.

[Modificar] Istòria

Lo simbòl de la senhoriá de Forcauquier es la crotz occitana, e Forcauquier es una deis originas probablas de la difusion d'aquela crotz vèrs lo comtat de Tolosa, puei vèrs Occitània tota.

Au començament de l'Edat Mejana, Forcauquier foguèt una tenença dei còmtes de Provença, que venguèt au còmte Folc Bertran. Au sègle XII, lo comtat de Provença, tenença indivisa entre de còmtes nombrós, foguèt partejat e una dei tres parts toquèt a la comtessa Adelaïda, veusa d'un còmte d'Urgèl. Lo comtat de Forcauquier se tenguèt pendent un sègle avans d'èstre unit per maridatge a aqueu de Provença per Raimon Berenguer V e conservat per de multiplei batalhas còntra son cosin Raimon VII de Tolosa.

[Modificar] Demografia

Evolucion demografica

1860	1936	1962	1968	1975	1982	1990	1999	2004
2 965	2 535	2 518	2 979	3 312	3 782	3 993	4 302	4 650
Nombre retengut a partir de 1968 : Populacion sens comptes dobles

[Modificar] Vejatz tanben

[Modificar] Liames intèrnes

• Crotz occitana