Colectivo
Un article de Wikipèdia, l'enciclopèdia liura.
Colectivo qu'ei lo nom dat en castelhan aus bus de la ciutat de Buenos Aires (qui pertanhèn cadun a diferentas entrepresas privadas).
Los colectivos qu'apareishèn a partir de las annadas 20. A la debuta, lo purmèrs colectivos que vadón de la necessitat peus cauhaires de taxis de subervíver a la crisi economica de 1929 a maugrat de la grana eficacitat (per l'epòca) deus transpòrts publics de Buenos Aires (dab mantuas linhas de Subte e de tram). Los colectivos que hon atau creata en tot alongar la carrosseria d'aqueth taxi puish en bèth préner carrosserias de camionetas e, en pranvant chic a chic, lo colectivos que manlhevèn quitament carrosserias de camions. Durant mantuas annadas los principaus modèus qu'èran fabricats dab ua carrosseria de camion (Chevrolet 1946 puish, a partir Mercedez Benz que he parièr).
Après l'abandon deu tram, vençut per la concurréncia deus colectivos, e per'mor de l'endom limitat deu Subte (qui avèva deishat de créisher) lo colectivos que vadèn lo principau mejan de transport e un sibèu de la ciutat. Desempuish las annadas navanta, que son remplaçats per modèls mei modernes, mens ondrats e dotats de vertadèras carroserias de bus dab lo lor motors a l'arrèr deu veícul. Atau, chic a chic, un deus simbèu de la ciutat que desapareish.
A maugrat de la grana quantitat de linhas, los abitants de Buenos Aires que coneishen generaument plan los parcors de las linhas pricipaus e que designan cada colectivo directament peu lo son nombre ; que poden, per exempe parlar deu 109 o deu famós 60 shens aver cap besonh de precisar que devisan d'un bus.
Pendent mantuns decenis los colectivos que's hasèvan conéisher dab un emplec peronau e especific de color qui, en mei d'aquò, b'èran associats dab ua mena d'ondradura tradicionau de Buenos Aires aperada lo fileteado.
