Camarga
Un article de Wikipèdia, l'enciclopèdia liura.
Camarga (Camargo segon la nòrma mistralenca e Camargue en francés) es un parçan d'Occitània[1] situat en Provença.
Lo gentilici es camarguenc -a.
Camarga es un l'espaci sanhós de 145 000 ha format per lei dos braç majoraus de Ròse, en riba de la mar Mediterranèa. En son centre se tròba l'Estanh dau Vacarés, la part situada lòng de la mar es bordada d'estanhs salats.
Es celèbra per sei paluns, sa cultura dau ris e de la sau e per sei noirigatges de taures e de cavaus qu'an engenerat una cultura particulara, amb lei gardians e la bovina.
Camarga es un luòc important de pelegrinatge dei Gitanos ai Santei Marias de la Mar (o Lei Santas) per celebrar sa santa patrona, Sara, la Verge Negra.
Una retenença naturala nacionala de 13 117 ha se creèt en 1927 e lo Pargue Naturau Regionau de Camarga en 1970 per preservar la fauna e la flòra dau sit. Sa vila principala es Arle.
[Modificar] Galariá
 Noirigatge de cavaus |
 Becaruts dins lei paluns |
 L'estanh dau Vacarés |
|
 Païsatge pròche Aigas Mòrtas |
 La cultura dau ris a Aigas Mòrtas |
 L'estatua de Frederic Mistral a Arle |
[Modificar] Nòtas
- ↑ Segon la classificacion de Frederic Zégierman.
