Adieu Paure Carnaval
Un article de Wikipèdia, l'enciclopèdia liura.
En temps de carnaval (demest los mai celèbres i a lo de Limós), se sòl cantar una cançon mentre que se crema un personatge que representa lo mal (se sona Palhassa dins lo País de Montpelhièr, Caramentran endacòm mai).
Aquesta cançon que coneis fòrça variantas en foncion dels luòcs se sona: Adieu Paure Carnaval. Aquí tres variantas de la cançon :
Somari |
[Modificar] Version cantada a Limós
Adieu paure, adieu paure
Adieu paure Carnaval
Tu te'n vas e ieu demòri
Adieu paure Carnaval.
I
Le buòu canta, l’ase dança
Le moton ditz la leiçon
E la lèbre canta l’crèdo
E l’aucèl ditz le pater.
II
Catarina la pissosa
Pòrta la civada als buòus
E de blat a las galinas
Si vòls que te fasquen d’uòus.
III
La joinessa fa la fèsta
Totis les qu’i èm ongan
E las filhas fan las còcas
Per celebrar Carnaval.
IV
Pòt pas beure, pòt pas beure
Pòt pas beure qu’es bandat
A manjat tròp de salsissa
E de cambajon salat.
Repic
Adieu paure, adieu paure
Adieu paure Carnaval
Tu te'n vas e ieu demòri
Per manjar la sopa d’alh
[Modificar] Version del país de Montpelhièr
Carnaval es un Joan fotre
Que nos fa manjar d'argent
L'enviarem se faire fotre
Duscas l'annada que ven
Adieu paure, adieu paure
Adieu paure Carnaval
As manjat tròp de saucissa
E de cambajon salat
Adieu paure, adieu paure
Adieu paure Carnaval
Tu te'n vas e ieu demòre
Per manjar la sopa d'alh.
[Modificar] Una darrièra varianta
Adieu paure, adieu paure,
Adieu paure Carnaval
Tu te'n vas e ieu demòri
Adieu paure Carnaval
Tu t'en vas e ieu demòri
Per manjar la sopa d'alh
Per manjar la sopa d'òli
Per manjar la sopa d'alh
Adieu paure, adieu paure,
Adieu paure Carnaval
La joinessa fa la fèsta
Per saludar Carnaval
La Maria fa de còcas
Amb la farina de l'ostal
Lo buòu dança, l'ase canta
Lo moton ditz sa leiçon
La galina canta lo Credo
E lo cat ditz lo Pater
[Modificar] La cançon e los cantaires occitans
Aquesta cançon es estada cantada per maites cantaires, o grops, occitans coma Patric, Gacha Empega, Coròu de Berra, Jan Mari Carlotti, Patrick Vaillant, Lo Seriòl etc...
La melodia de la cançon foguèt emplegada tanben en França per servir de generic a un programa sonat Bonne nuit les petits amb un personatge sonat Nounours.
