विकिपिडिया
विकिपिडिया नं
विकिपिडिया , ल्यारी स्यांगर अं नांत:गु बहुभाषिक, वर्ल्ड वाइड वेब-लिधंसायागु, चकं स्रोत हलिमसफूया ज्याखं खः । विकिपिडिया स्वयमसेवकतयेसं मंका: कथं च्वइ व सम्पादन याइ; थुकी च्वसूत वेब (ईन्टरनेट)य् पहुंच (एक्सेस) दुपिं न्ह्यामेसियां नं तये ज्यू । विकिपिडिया नां विकि व "इन्साइक्लोपिडिया" स्वाना दयेकूगु ख: । थुकिया मू सर्भर ताम्पा, फ्लोरिडाय् दु धासा मेमेगु ग्वाहलि (तसाँ) सर्भर एम्स्टरड्याम व सोलय् दु ।
विकिपिडिया अंग्रेजी विकिपिडिया कथं जनवरी १५, २००१य् न्ह्यथंगु ख: । थ्व हलिमसफू न्युपिडिया, छगु विषेशज्ञतेसं च्वैगु व आ मदुगु हलिमसफूयागु पलसाय् देकुगु ख। थ्व ज्याखँ आ जिम्मी वेल्सं देकुगु नन प्रोफिट गुथि विकिमिडिया गुथि नं सञ्चालन याना च्वंगु दु। थुकिलि आ २५० भाय् य् ६० लख स्वया अप्व च्वसु दु।[१] विकिपिडिया बिस्तारं नांजाया वैच्वंगु दु [२] व आ इन्टरनेटयागु दक्ले अप्व मनुतेसं स्वैगु १२गु वेबथाय् य् विकिपिडिया नं छगु ख।[३]
विकिपिडियायागु विश्वसनियया व एक्युरेसीयागु बारेय् न्ह्येसत नं वगु दु।[४] थ्व वेबथाय् यात उकिगु हुल्याहापनायागु सिकार,[५] uneven quality, systemic bias and inconsistencies,[६] व सम्पादन प्रक्रियाय् कन्सेन्ससयात क्रिडेन्सियल स्वया अप्व हनिगु थें न्यागु खँयागु लागि आलोचना यागु दु।[७] स्वयमसेवकतेसं देकातगु विकिपिडियायागु कन्टेन्ट नियम[८] व उप-ज्याखँतेसं थ्व आलोचना व अन्यागु मज्युगु ज्यातेत मदेकेत कुत याना च्वंगु दु।[९] निगु सोधपत्रतेसं विकिपिडियय् हुल्याहापना ताहा ई तक्क ल्यं मदैगु निष्कर्श पिकागु दु[१०] व विकिपिडिया मेमेगु अनलाइन हलिमसफू थें हे एक्युरेट जुगु दावी यागु दु।[११]
धलः |
[सम्पादन] स्वभाव
[सम्पादन] सफ्टवेर
विकिपिडिया नं विकि सफ्टवेर छ्येला यक्व च्वमितेत हलिमसफूय् छकलं च्वेफैगु व डेटाबेस हिले फैगु व्यवस्था याना बी। सम्बन्धित च्वसुत हाइपरलिंक छ्येला मेमेगु वेबथासे क्रस-रिफरेन्सथें याना स्वाना तगु दु। विकिपिडियाय् थगु हे विषय व्यवस्था दु; च्वसुतेत माले अपुइगु पुचः व्यवस्थाय्[१२] व्यवस्थित यानातगु दु। इन्साइक्लोपिडिया ब्रिटानिका यागु प्रोपिडियायागु आउटलाइन अफ नलेजय् नं थन्यागु हे व्यवस्था दु तर व व्यवस्था थें कडा हायरार्की थन मदु। विकिपिडियय् छगु विषयय् सतही कथलं स्वेत दबूयागु नं व्यवस्था दु।[१३]
[सम्पादन] सम्पादकीय प्रक्रिया
सम्पादन याये यपिन्त खाता चायेकेयात प्रोत्साहित याइ, गुकिलिं इलित न्हु च्वसु देकिगु, च्वसु यागु नां हिलेगु, व छ्येलेमि प्राथमिकता मुंकिगु अवसर बी। तर, च्वमितेसं सम्पादन खाता मचायेकुसें नं याये छिं; अथे याये बिले इमिगु आइ पी थायबाय छ्येलेमियागु नांयागु थासे मुना च्वनि।[१४] विकिपिडियायागु पुलांगु सम्पादनत नं मुना च्वनि, व ईयागु आधारे "सम्पादन इतिहास" पौय् दया च्वनि, थुकिलिं पुलांगु संस्करणयागु पौ स्वेत अपुइकी।
विकिपिडियायागु हिलेज्यात पीर रिभ्यु मजुसें छकलं अन्तरजालय् खने दै। विकिपिडियायागु सिद्धान्त कथं बांलागु मतिदुगु मनुतेगु दथुइ मध्यस्तता मदुगु मंकाज्या नं बिस्तारं हलिमसफूयागु ब्या, जा व एक्युरेसी थकाई, व गाक्क ई ब्युसा, सत्य नं त्याई व चीधंगु मखुगु खं नं मिलेयाना येंके फै।[१५] अतः, विकिपिडिया नं न्ह्यामेसित नं सम्पादन याये बी, अपबादयागु रुपे छुं थन्यापिं छ्येलेमि दु सुनां विकिपिडियायात ता ई तक्क बाँमलाक्क छ्येला यंकुगु दु, इमित ताहाकगु मध्यस्तता धुंका सम्पादन यायेगु अधिकार लित बी। अथे हे सकल च्वसुत सम्पादन याये छिं तर छुं च्वसुत च्वमितेगु वादविवाद व यक्व हिल्याहापना नं याना छुं ई यागु लागि सम्पादन याये मज्युगु याना तगु दे फु। विकिपिडियाय् छुं नं च्वसु "सिधगु" वा "पू वंगु" गब्लें नं जुइ मखु।
छगु हलिमसफूयागु रुपे, विकिपिडियाय् सकल क्षेत्रयागु ज्ञानतेगु कुत जुइ। थ्व हलिमसफूय् छगु हलिमसफूय् दे मागु सकल च्वसु दु, व थुकिलि मेमेगु हलिमसफूय् मदैगु यक्व टेक्निकल च्वसुत नं दु।
[सम्पादन] स्रोत
[सम्पादन] लिधंसा
- ↑ List of Wikipedias. Meta-Wiki (2007-01-24). 2007-01-31 कथं।
- ↑ Five-year traffic statistics for wikipedia.org. Alexa Internet. 2007-01-29 कथं।
- ↑ Three-month traffic statistics for wikipedia.org. Alexa Internet. 2007-01-29 कथं।
- ↑ Simon Waldman (2004-10-26). Who knows?. The Guardian. 2007-02-11 कथं।
- ↑ Cite error: Invalid
<ref>
tag; no text was provided for refs namedDeathByWikipedia
- ↑ Cite error: Invalid
<ref>
tag; no text was provided for refs namedSangerElitism
- ↑ Danah Boyd (2005-01-04). Academia and Wikipedia. Many-to-Many. 2007-02-11 कथं।
- ↑ List of policies and guidelines. English Wikipedia. 2007-01-31 कथं।
- ↑ Wikipedia:WikiProject. English Wikipedia. 2007-01-29 कथं।
- ↑ Template:Cite paper
- ↑ Cite error: Invalid
<ref>
tag; no text was provided for refs namedRosenzweig_2006
- ↑ Wikipedia:Categorical index. English Wikipedia. 2007-01-27 कथं।
- ↑ Wikipedia:Portal. English Wikipedia. 2007-01-27 कथं।
- ↑ Wikipedia:Why create an account? - English Wikipedia. Retrieved on 2007-01-29.
- ↑ "Wikipedia sociology", Meta-Wiki, 23:30 March 24 2006