येँ
विकिपिडिया नं
येँ (पुलाँ भाय्: ञे) नेपा: देय् या राजधानी व दक्कले तधंगु सहर ख: । थ्व सहर नेपाः स्वनिग:या छगु सहर नं खः । येँ धाय् बले, येँ जिल्ला, स्वनिग:या छगु सहर, येँ महानगरपालिका, पुलाँगु येँ (थ:ने व कोने) आदि यक्वं थाय् यात ईंगित याये फु ।
[सम्पादन] इतिहास
स्वयम्भू पुराण कथं मंजुश्रीं कच्छपाल गुँयात चन्द्रह्रास खड्गं पाला बिज्याना स्वनिग:या बस्ती न्ह्यज्याका बिज्या:गु खः । वसपोलं मन्जुपटन धका छगु थाय् (थौंकन्हय् यागु मजिपाः) नेपाःगा: या दक्कले न्हापांगु बस्ती दयेका बिज्यात । लिपा थ्व थाय् दक्षिण कोलीग्राम जू वन व कोलीग्राम धागु छगु सापूतयेगु बस्ती उत्तरय् दया वल । जुजु गुणकामदेवं थ्व निगु थाय् यागु दथुई लाक्क येँयागु पलिस्था याना दिल व १०,००० खा छें दुगु छगु नगर दयेका दिल । मल्लतयेगु राज्य विभाजन जुइ धुंका थ्व थाय् कान्तिपुर राज्ययागु राजधानी जुल । पृथ्वीनारायण शाह नं थ्व देय् त्याके धुंका थ्व थाय् यात नेपाःयागु राजधानी दयेका दिल ।
[सम्पादन] थाय् तः
येँय् दुगु मू थाय् तः थुकथं दु-
- येँ लायकू
- स्वयम्भूनाथ चैत्य
- पशुपतिनाथ देगः
- बौद्धनाथ चैत्य
- कोने व थ:नेयागु बहातः
- धरहरा
- तीन्ख्य
- लानिपुखु
- कमलपुखु
- न्हु सतक
- नारायणहिटी लायकू
- सिंहदरवार लायकू