ایمامعلی حبیبی
Wikipedia جه، رهائه فهرئنگ نومه.
امامعلی حبيبی ، درزیکلا دِله به دِنيا بیَمو . درزیکلا ، بابل ِ تابع هَسّه . جوان که بیه ، هم قائم شهر ِ شهرداری دِله کار کِرده و هم کوشتی ره تمرين کِرده . ای بورده تهرون و حبيبالله بولورچی دس جير ، که ئهتا معروف موربّی بیه کوشتی میون ، خار شه تمرينات ره ادامه هادا . تا سال 1956 ميلادی ايران ِ اولمپيک ِ تيم ، هيچ رشته ی دِله طلا مدال نَئیته بیه . حبيبی ، ملبورن ِ دِله ، شه طلا مدال جا امه طلسم ره بشکِندیه . اون زمون جا به بعد، هم مردِم و هم مطبوعات، وِره بَخونسِّنه: مازرون بَبِر.1959، 1961 و 1962 جهانی موسابقه ئون ِ دله هم، حبيبی طلا بیارده. 1961 جهانی موسابقه، ژاپون ِ يوکوهاما دله بیه که ايران اوّلين بار جهان ِ کوشتی آزاد دله اوّلا بیّه. 1959 ميلادی ، جهانی موسابقئون مدله، حبيبی، وکز واختانگ بالاوادزه (روس) و اسماعيل اوغان (تورک) که هردِتا جهان دله قهرمان بؤینه 3 دقيقه مئن ضربهفنی هاکِرده. اماعلی حبيبی، چهارته فيلم دله هم بازی هاکِرده: جهنم سفيد ، ببر مازندران ، رام کردن مرد وحشی و آدم و حوا .