Поза
Википедиясь -нь пельде
По́за — те ярсамо-симема пель.
[витнеме-петнеме] Позась Пейкужонь буестэ
Вирень тикшенть позаньте пурныть вадрясто, костить сонзе ауль чи ало (лато ало), ванстыть чеерь эйсте. Эрьватикшеньте пурнави: карво тикше, чай тикше, варакань пря тикше, кстый. Неень шкасто путыть тикше. Икель шкатнесте тевс ютавтыльть сюронь сюват.
[витнеме-петнеме] «Позань путомась»
«Позань путомась» - те покш Инетев эрзятнень ютксо, теде соды веси куринкась, ды велесь. Якстерькайтне парсте шлявить, урядавить, човавить ды путовить каштомс чугунонь вакансо. Пидевить чи-ведень седе ламо. Икелень шкасто каштом кургонть ваднилизь сёвоньсэ - а лисевель псись.
Анокставить позаньте лепень али тумонь парьсэ. Пичень ды поензесь - а маштовить, васеньценть эйстэ лиси пиче ой, кона сови позаньте, поесь максы сэпе. Весемикс паро позань тееме - лепень парь - сехте ванькс, сонзе кирдить ансяк позакс. Коли-коли истямо кедьгесь «яки» кудова: вейке азоравась теезь позанть максы шабране.
Колияк а теить поза салтома кедьгсэ. Колмо-ниле ведрас стойкась (паресь) вакссто, тютькеде потмаксонть верьде (кедь куншкань кувалмасо) варя - нолдама, чувтонь туло марто суронь эчкесэ.
Таргазь парсте пидезь якстерькатьнень каштомсто, каясызь пареньте, секень вант тов пештить човасто керсезь тикше. Тов истяжо каить ауль ламо комолянь принеть. Ней кадови веси валомс лаки ведьсэ ды каямс чапавтома. Сонзе саить розень кшинь чапакссто. Паресь пекстави чувтонь вельтямосо, парсте вельтяви сыре вельтямосо, кирдеви лембе таркасо. Истя сон «яки» мерить. Седе мейле ливтсызь сонзе кудыкелев - келмевтить.
Седе тов панжыть састо паренть вельтявксонть, кунсолыть кода вети прянзо позась - кодамо чинезэ, тыжнэмазо, ды тюссозо. Аватне содасызь не ваноматнева - коли анок карми позась.
Кода позась тыжны паренть алов путыть вакан ды ноцкавтыть тулонть. Истямо нолдавксонть лемдить «васняяк». Те сехте паро позась! Кода симеви - пареньте каить седе тов лаки ведь. Те карми омбоце каявкс. Кой-кить тейнить колмоцеяк - меельцекс. Ансяк те карми ауль поза.
[витнеме-петнеме] Кочкурь буень Качелеень позась
Якстерькатьнень пидить знярояк чить, васеньценть пидить, омбоценть таргить, седе тов ёкстасызь каштомс одов. Седе мейле костить лаз ланкс путозь, теле видс. Мейле анокстыть позань анокстома: начтавтыть розь ды путсызь сонзе лембе каштомас. Лисезь видьметнень пивсэсызь, почтотнень конат тевить (солод) - ведь ланксо пидисызь. Якстерькатьнень ды солодонть путыть анокстазь парьс - сувтемас. Истя паресь икелень шкасто ульнесь ауль весинь, ды ульнесь вейсень 15-20 кудораськень, ды якиль кедьте-кедс. Паренть потсо мендявикс илейсте теить кирькс, кона кодавови ленгесе. Кирьксесь теезь сувтемакс якстерькатнень юткова, ды солодонть кона ашти потмаксо. Кирьксенть верьга каить-путыть керьсезь розь тикше. Эрзянь позаньтенте совавтови вирень комуля, тютькеде ламбамот, ды оргат.
Балдовасо Рузаень буесэ пидильть вирень поза. Якстерькань печьтнень костильть каштомсо ды коли-коли пидильть-рестыльть. Не таньтейкатьнень пек вечкильть пакшать - ды лемдильть сынст - "ламбаське". Анокстазь истя якстерькатьнень путыльть вейс юдмас, понгавтыльть коське таркас ды ванстыльть. Тельня "якстерькань кошксе"-тьнень лакавтыльть, ды вецакавтыльть чай тикшень ламбамо ведьсе, конаньтень каильть-путыльть оргат.