Клявлянь буе Самарань ёнкссо
Википедиясь -нь пельде
Кля́влянь бу́е (руз. Клявлинский район) — те буе пелеве-чилисема ёнкссо Самарань ёнкссонь Россиясо. Куншка ошось - Клявля.
Шабрачек ашти пелеве ёнкссо Печкас Масторонть марто, чивалгомасо — Шенталань ды Исаклань буетнень марто, лембе ёнкссо — Камышлань буенть марто, чилисемаёндо — Оренбургонь ёнксонть марто. Буесь сравтови пелевеёнксто лембеёнов 35 вп, чивалгомаёндо чилисемав 38 вп. Весемикс покшолмазо буенть пурнави 125 555 гектарт.
Раськень потмоксось буенть: рузт — 34,5 %, ветькеть — 30,6 %, эрзят — 27,7 %, печкаст — 5,4 % ды лият — 1,8 %. Куншка покшолмась буенть эрицятнень — 45 ие.
[витнеме-петнеме] Кить чачсть содавикс ломаньтнеде
- Ташто Макалейужо велесэ чачсь содавикс морыцясь, «Сырнень Суркс» морамо кужонть васенце морыцязо — Кадышень Надя.
- Балахоновка велесэ чачсть Кочетковонь братиники: Вихторось теевсь пек вадря валморозеекс. Афанасиесь содавикс актёрокс Вишка театранть.
- Бор-Игаронь велесэ чачсть ветькень валморозейтне - А.Я. Каттай ды Н.Ф. Евстафьев
- Ташто Семенкинань велесэ чачома тарказо В.А. Тимофеевенть сёрмадеенть.
- Од Пиче велесэ 1915 иестэ чачсь эрзянь валморозей Батаев Павел Петровичэсь.