Michael Falzon
Minn Wikipedija, l-enċiklopedija ħielsa.
 |
|
| Kariga: | Membru Parlamentari f'isem l-MLP |
| Perjodu fil-Kariga: | 2003 - |
| Data tat-Twelid: | 16 ta' Novembru, 1961 |
| Post tat-Twelid: | Tas-Sliema |
| Partit Politiku: | Malta Labour Party |
| Sit Eletroniku: | www.falzonmichael.com |
Michael Falzon (twieled fis- 16 ta' Novembru 1961 f’ Tas-Sliema Malta) huwa Deputat fil-Parlament Malti kif ukoll, id-Deputat Mexxej għall-Affarijiet tal-Partit tal-Malta Labour Party. Michael ikkontesta l-Elezzjoni Ġenerali ta' Marzu 2008 fuq il-lista tal-MLP fuq it-Tieni (Vittoriosa, Senglea, Cospicua, Żabbar, Kalkara u Xgħajra) u l-Għaxar (Gzira, Pembroke, Sliema u St. Julians) distrett elettorali ta’ Malta. Huwa kien elett miż-żewġ distretti.
Werrej |
[editja] Ħidma Politika
L-Avukat Michael Falzon, ilu jaħdem fil-Partit fuq bażi ċentrali sa mill-1992. Wara li kien ta sehemu fl-Elezzjoni Ġenerali ta’ Frar 1992, huwa waqqaf u mexxa b’mod mill-aktar professjonali l-Uffiċċju Elettorali tal-Partit Laburista għal ħdax-il sena sħaħ u fil-fatt, baqa’ jżomm il-kariga ta’ Election Manager sa l-2003.
Kien ukoll Segretarju Internazzjonali tal-Partit Laburista mis-sena 1998 sas-sena 2003. Bħala Segretarju Internazzjonali huwa ta sehemu sabiex il-Partit Laburista kompla jsaħħaħ ir-rabtiet internazzjonali tiegħu.
Tul il-karriera politika tiegħu, Michael Falzon attenda għadd ta’ konferenzi u kellu laqgħat ma’ politiċi ewlenin barranin, barra minn Malta. Ewlenin fosthom, ma’ l-ex Prim Ministru Ingliż Tony Blair, ma’ Massimo D’Alema, ex Prim Ministru ta’ l-Italja, mal-President tal-Grupp tas-Soċjalisti Ewropej fil-Parlament Ewropew Martin Schulz, u oħrajn.
Dr Falzon ġie elett bħala Deputat Mexxej għall-Affarijiet tal-Partit Laburista, f’Mejju 2003, kariga li żamm sa Ġunju 2008.
Michael ikkontesta l-Elezzjoni Ġenerali għall-ewwel darba f’Marzu 2008. 3,047 u 2,853 kostitwenti mit-Tieni u l-Għaxar distrett elettorali għoġobhom jagħtuħ l-ewwel għażla. B’hekk, flimkien mat-tim Laburista, Michael se jkun Deputat tal-Parlament Malti.
- Responsibilitajiet fi ħdan il-Partit Laburista
- Deputat tal-Parlament Malti (2008 - )
- Deputat Mexxej għall-Affarijiet tal-Partit (2003-2008)
- Segretarju Internazzjonali (1998-2003)
- Election Manager (1993-2003)
[editja] Familja
Huwa twieled f’familja tal-ħaddiema fis-16 ta’ Novembru 1961, iben Mosè u Carmela nee Said. Fi tfulitu kien iqatta’ ħafna mill-ħin tiegħu jaqra fil-ħanut tal-grocer ta’ missieru. Huwa miżżewweġ lil Anna u għandu żewġt itfal: Martina u Nathaniel.
[editja] Edukazzjoni
L-ewwel snin ta’ l-iskola għaddiehom fil-Kulleġġ San Albert il-Kbir, f’Tas-Sliema u fil-Belt; waqt li wara kompla jistudja s-Sixth Form, il-Belt Valletta. Daħal jaħdem mal-Bank of Valletta fl-1979, bħala Skrivan. Minn dejjem wera x-xewqa li jaqbad il-karriera ta’ Avukat u fl-1985 beda jistudja l-Liġi fl-Università ta’ Malta, minn fejn gradwa bħala Nutar fl-1989 u bħala Avukat fl-1991.
Bħala impjegat ta’ l-istess Bank kompla jistudja u kiseb ukoll iċ-ċertifikat ACIB – Associate of the Chartered Institute of Bankers. Baqa’ dejjem jaħdem ma’ l-istess Bank u llum jokkupa l-kariga ta’ Executive Head fl-Uffiċċju Legali ta’ l-istess Bank of Valletta.
- 1991: Avukat, Università ta' Malta
- Associate of Chartered Institute of Bankers (UK)
[editja] Passatempi
Iħobb ħafna l-qari u hu dilettant kbir tal-festi Maltin, filwaqt li għandu għal qalbu wkoll dak kollu li hu Malti.
[editja] Referenzi
- http://www.maltatoday.com.mt/2001/1028/interview.html
- http://www.timesofmalta.com/articles/view/20080316/interview/the-lion-of-change
