Alfred Sant
Minn Wikipedija, l-enċiklopedija ħielsa.
 |
|
| Kariga: | Prim Ministru ta' Malta |
| Perjodu fil-Kariga: | 1996-1998 |
| PM Predeċessur: | Eddie Fenech Adami |
| PM Suċċessur: | Eddie Fenech Adami |
| Data tat-Twelid: | 28 ta' Frar, 1948 |
| Post tat-Twelid: | Pieta, Malta |
| Partit Politiku: | Partit Laburista |
Dr. Alfred Sant (twieled fit-28 ta' Frar, 1948); huwa serva bħala' Prim Ministru ta' Malta bejn l-1996 u l-1998.
Werrej |
[editja] Edukazzjoni
Huwa ggradwa mill-Università ta' Malta fil-fiżika u studja l-amministrazzjoni pubblika fl-Institut International d'Administration Publique ta' Pariġi. Alfred Sant iggradwa wkoll fil-Business Administration mill-Università ta' Boston u Harvard. Għamel xi żmien jaħdem fis-Servizz Pubbliku ta' Malta fil-missjoni ta' Malta għall-Komunità Ewropea.
[editja] Politka
Ġie appuntat il-kariga ta' Chairman tad-Dipartiment ta' l-Informazzjoni tal-Malta Labour Party fl-1982, u fl-1984 laħaq President tal-partit, kariga li żamm sa l-1988. Fl-1987 ġie co-opted fil-Parlament u ġie elett fil-Kamra tar-Rappreżentanti fl-elezzjonijiet ta' l-1992. Fl-istess sena, huwa laħaq Mexxej tal-Partit Laburista u ta' l-Oppożizzjoni fil-parlament.
[editja] 1996 -1998
Il-Partit Laburista rebaħ l-elezzjonijiet ta' l-1996, imma minħabba problemi interni ma' Dom Mintoff, Sant kellu jsejjaħ elezzjoni bikrija fl-1998, li ntrebħet mill-Partit Nazzjonalista (PN).
[editja] Referendum u Elezzjoni 2003
Meta tħabbar ir-referendum dwar is-sħubija ta' Malta fl-Unjoni Ewropea fl-2003, Sant sejjaħ bojkott parzjali fuq ir-referendum u talab lil-Laburisti biex jew jivvutaw 'Le', jew inkella jastjenu jew iħassru l-vot. Dan għen biex rebaħ l-Iva, iżda Sant sostna li l-Iva ma ġabitx il-maġġoranza assoluta ta' l-elettorat u għalhekk iddikjara r-riżultat bħala null. Meta, xahar wara r-referendum, il-Partit Laburista reġa' tilef l-elezzjoni, Sant irreżenja mill-kariga ta' mexxej tal-partit.
Huwa xorta kkontesta l-elezzjoni għat-tmexxija tal-partit. Huwa reġa' rebaħ l-elezzjoni b'mod konvinċenti b'66% tal-voti.
Sussegwentement Alfred Sant kien strumentali biex fl-2005 l-Konferenza Generali tal-Partit Laburista tappoġġja l-Kostituzzjoni Ewropea. Din ġiet ratifikata unanimament fil-Parlament Malti.
[editja] Elezzjoni Generali 2008
Il-Partit Laburista għall-kampanja elettorali tal-2008, ippreżetaw programme “Pjan għal bidu ġdid” taħt l-għajta ghall-bidla fil-tmexxija tal-pajjiż. Il-programme elettorali kien fih bosta affarijiet kontraversjali. Fosthom il-proposta ta’ reception class li ħolqot ħafna kontraversja matul il-kampanja, tnaqqis bin-nofs tas-surcharge tad-dawl kif ukoll l-ebda taxxa fuq l-overtime. Matul il-kampanja Sant ikampanja bil-kbir kontra l-korruzzjoni.
Minkejja dan kollu Sant tilef l-elezzjoni għat-tielet darba konsekutiva. Sant irreżenja mill-kariga tal-Mexxej tal-Partit l-għada ta' telfa iżda xorta mistenni li jżomm postu bħala membru fil-Parlament.
[editja] Letteratura
Alfred Sant huwa wkoll awtur ta' diversi drammi u rumanzi bil-Malti fosthom "Silġ fuq Kemmuna", "La Bidu, La Tmiem" u "Min hu Evelyn Costa?".
