രാവണന്
വിക്കിപീഡിയ, ഒരു സ്വതന്ത്ര വിജ്ഞാനകോശം.
രാമായണത്തിലെ ഒരു കഥാപാത്രമാണ്‌ രാവണന്. ഐതിഹ്യപ്രകാരം രാവണന് പുരാതനകാലത്ത് ലങ്ക ഭരിച്ചിരുന്ന രാക്ഷസ ചക്രവര്‍ത്തി ആയിരുന്നു. രാമായണത്തിലെ പ്രധാന പ്രതിനായകന്‍ രാവണനാണ്.
[തിരുത്തുക] പൂര്‍വ്വജന്‍മം
ബ്രഹ്മാവിന്റെ മാനസപുത്രന്‍മാരായ സനത്കുമാരന്‍മാര്‍ ഒരിക്കല്‍ വൈകുണ്ഠം സന്ദര്‍ശിച്ചപ്പോള്‍ വിഷ്ണുവിന്റെ ദ്വാരപാലകരായ ജയവിജയന്മാര്‍ അവരെ തടഞ്ഞുനിര്‍ത്തുകയും ഇതില്‍ കോപിച്ച്‌ സനത്‌ കുമാരന്‍മാര്‍ അവരെ മൂന്നു ജന്‍മം അസുരന്‍മാരായി ഭൂമിയില്‍ പിറന്ന്‌ വിഷ്ണുവിനെ ദുഷിച്ച്‌ ജീവിക്കുവാന്‍ ഇടവരട്ടെ എന്നു ശപിക്കുകയും ചെയ്തു. ഈ മൂന്നു ജന്‍മങ്ങളിലും വിഷ്ണു തന്നെ അവരെ നിഗ്രഹിക്കുമെന്നും അവര്‍ അരുളിചെയ്തു. ഈ ശാപത്താല്‍ ആദ്യത്തെ ജന്‍മം അവര്‍ ഹിരണ്യാക്ഷനും ഹിരണ്യകശിപുവും ആയി പിറന്നു. വരാഹം, നരസിംഹം എന്നീ അവതാരങ്ങളിലൂടെ വിഷ്ണു ഇവരെ നിഗ്രഹിച്ചു. രണ്ടാം ജന്‍മം ഇവര്‍ രാവണനും കുംഭകര്‍ണ്ണനും ആയി പിറന്നു. രാമാവതാരത്തില്‍ ഇവര്‍ ഇരുവരും നിഗ്രഹിക്കപ്പെട്ടു. ഇവരുടെ മൂന്നാം ജന്‍മം ശിശുപാലനും ദന്തവക്ത്രനും ആയിട്ടായിരുന്നു. കൃഷ്ണാവതാരത്തില്‍ ഇവരും നിഗ്രഹിക്കപ്പെട്ടു.
[തിരുത്തുക] ഉത്ഭവം
രാവണന്റെ വേദങ്ങളിലും ശാസ്ത്രങ്ങളിലും ഉള്ള പ്രാവീണ്യം കാണിക്കുവാനായി പത്തുതലകളോടെയാണ് രാ‍വണനെ കലകളില്‍ ചിത്രീകരിച്ചിരിക്കുന്നത്. പത്തു തലകള്‍ രാവണന് "ദശമുഖന്‍" (दशमुख, പത്തു മുഖങ്ങള്‍ ഉള്ളയാള്‍), "ദശഗ്രീവന്‍" (दशग्रीव, പത്തു കഴുത്തുകള്‍ ഉള്ളയാള്‍), "ദശകണ്ഠന്‍" (दशकण्ठ, പത്തു കണ്ഠങ്ങള്‍ (തൊണ്ടകള്‍) ഉള്ളയാള്‍) എന്നീ പേരുകള്‍ നേടിക്കൊടുത്തു. രാവണനു ഇരുപതു കൈകളും ഉണ്ട് - ഇത് രാവണന്റെ ദുരയെയും ഒടുങ്ങാത്ത ആഗ്രഹങ്ങളെയും പ്രതിനിധാനം ചെയ്യുന്നു.
വൈശ്രവന്‍ എന്ന ബ്രാഹ്മണമുനിയുടെ മകനായി ആണ് രാവണന് ജനിച്ചത്. ദൈത്യ രാജകുമാരിയായ കൈകസി ആയിരുന്നു രാവണന്റെ അമ്മ. കൈകസിയുടെ പിതാവും ദൈത്യരാജാവും ആയ സുമാലി തന്റെ മകള്‍ ലോകത്തിലെ ഏറ്റവും ശക്തനായ രാജാവിനെ വരിച്ച് അതിശക്തനായ ഒരു പുത്രനെ പ്രസവിക്കണം എന്ന് ആഗ്രഹിച്ചു. സുമാലി ലോകത്തിലെ രാജാക്കന്മാരൊക്കെ തന്നെക്കാള്‍ ശക്തികുറഞ്ഞവര്‍ എന്നുകണ്ട് അവരെ പരിത്യജിച്ചു. കൈകസി മുനിമാരുടെ ഇടയില്‍ തിരഞ്ഞ് ഒടുവില്‍ വൈശ്രവനെ ഭര്‍ത്താവായി തിരഞ്ഞെടുത്തു. അതുകൊണ്ട് രാവണന് ഭാഗികമായി രാക്ഷസനും ഭാഗികമായി ബ്രാഹ്മണനും ആണ് എന്നു കരുതപ്പെടുന്നു.
രാവണന് വൈശ്രവന്റെ മക്കളില്‍ ഏറ്റവും മൂത്തയാള്‍ ആയിരുന്നു. ജനനസമയത്ത് രാവണന് ദശാനനന്‍/ദശഗ്രീവന്‍ എന്നീ പേരുകള്‍ നല്‍കപ്പെട്ടു - പത്തു തലകളുമായി ആണ് രാവണന് ജനിച്ചത് (ചില കഥകള്‍ അനുസരിച്ച് ജനനസമയത്ത് പിതാവ് നല്‍കിയ ഒരു പളുങ്കുമാലയില്‍ തട്ടി മുഖം പ്രതിഫലിച്ചതുകൊണ്ടാണ് പത്തുതലകള്‍ വന്നത്. മറ്റു ചില കഥകളില്‍ പത്തുപേരുടെ മാനസിക ശക്തിയുള്ളതുകൊണ്ടാണ് ഈ പേരു ലഭിച്ചത്).
രാവണന്റെ സഹോദരര്‍ വിഭീഷണനും കുംഭകര്‍ണ്ണനും ആയിരുന്നു. തായ്‌വഴിയായി രാവണന് മാരീചന്റെയും സുബാഹുവിന്റെയും ബന്ധക്കാരന്‍ ആയിരുന്നു. കൈകസിക്ക് മീനാക്ഷി എന്ന മകളും ഉണ്ടായിരുന്നു (മീന്‍പോലെയുള്ള കണ്ണുകള്‍ ഉള്ളവള്‍) പില്‍ക്കാലത്ത് ശൂര്‍പ്പണഖ (കൂര്‍ത്ത നഖങ്ങള്‍ ഉള്ളവള്‍) എന്നപേരില്‍ കുപ്രസിദ്ധയായത് മീനാക്ഷിയാണ്
രാവണന് അഹങ്കാരിയും ആക്രമണോത്സുകനും ആണെങ്കിലും വിദ്യാ പ്രവീണനാണെന്ന് പിതാവായ വൈശ്രവന്‍ രാവണന്റെ കുട്ടിക്കാലത്തേ ശ്രദ്ധിച്ചു. വൈശ്രവന്റെ ശിക്ഷണത്തില്‍ രാവണന് വേദങ്ങളും പുരാണങ്ങളും കലകളും ക്ഷത്രിയരുടെ മാര്‍ഗ്ഗങ്ങളും പഠിച്ചു. ഒരു മികച്ച വീണാ വാദകനും ആയിരുന്നു രാവണന്. രാവണന്റെ കൊടിയടയാളം വീണയുടെ ചിത്രമാണ്. രാവണന് ദൈത്യരുടെ സദ്ഗുണങ്ങള്‍ പാലിക്കുന്നു എന്ന് ഉറപ്പുവരുത്താനായി സുമാലി രഹസ്യമായി പരിശ്രമിച്ചു.
 |
ഈ ലേഖനം അപൂര്‍ണ്ണമാണ്. ഇതു പൂര്‍ത്തിയാക്കുവാന്‍ സഹകരിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
